六合小廚 (已結業)

今朝早咁啱要喺尖沙咀返工，同事就带咗我上来呢间餐厅度食，成个环境都坐得开嘅，空间阔落，感觉舒适。见到佢啲车仔面好似都好多款配料，所以就叫咗一份嚟食有牛腩、萝卜、豆卜、牛肚幼面，汤底就听咗麻辣汁同埋腩汁，整体成个汤底都系比较清，唔会油腻，朝头早食嘅话都几好而且佢仲有特别啲嘅选择就系车仔面配混酱肠粉。我同事就叫咗鱼腐角、墨鱼须、黑椒牛丸同埋金菇，同事话啲牛丸都几弹牙。食下食下之后就到中午时间，餐厅就越来越多人，坐满晒人，相信尖沙咀来讲呢度都算出名嘅，性价比算高，因为佢啲中午碟头饭都只系$48左右，可以悭返唔少架。