幕多

营业中

休息中

前排有个朋友send 左相比我话尖沙咀有间虾汤底拉面好好食，海鲜唔贵又大。我睇相都觉得好吸引，今日专程去食。去到附近揾左阵见到唔小人排队，据我朋友讲大概排半个钟至九个字。店员会拎啲水比排紧队既人，相当贴心。系入去前有块牌可以填选择，拣刀削或拉面，葱量，加配海鲜，我地食个日系珊瑚蚌（售韾）同青口，最后叫左鲍鱼同青口同蚝。朋友建议我哋试刀削面，但我食完钟意拉面多啲，海鲜系冻上，一食落口感觉好新鲜，唔系好急冻或冰鲜，个汁腌得好好，鲍鱼淋多少少会更好，青口好大只唔腥，一份有5只，蚝更加系重点推荐，够大只唔腥唔水，呢个价钱真系好抵。讲返个面，汤底好味，完全唔系味精汤，靠材料时间同心机熬出嚟，本身跟个三只虾都爽口唔梅，整体来讲系比拉面耽误左既海鲜店。