麺処一家 (已結業)

系尖沙咀做野，好处就系好多野食，但系个坏处就系太多野食拣，唔知拣咩好。系呢个炎炎夏日，系条街到行去揾野食绝对唔系一个脂智既选择，所以我就好求其咁拣左一间拉面店。点解要系拣拉面店呢?因为第一，拉面店系会用冰水招待客人，至于点解就自己google，而呢间，佢有。第二，系因为太热我唔想食饭。一入到门，个装修好平实，沉色装修，有一种都市感，亦有一种神秘感。我就叫左一个火灸猪腩肉拉面加糖心蛋。因为呢个系最基本既拉面，而要试一间拉面店好唔好食就只要试最基本就够。碗面一上黎都得唔错，虽然个汤底系午餐食黎讲有小小油，但系个面底师傅整到岩岩好，弹牙又挂汤。个肉就肥瘦适中，唔错。