人和月雞煲火鍋店 (已結業)

同朋友系尖沙咀行完街，见天气冻冻地就想食暖d，之后见到有间新开既火锅店决定入去试吓。餐厅位于三楼，都几近地铁站，位置方便，装修简洁，同感觉都干净卫生。有三个价钱既餐可以选择，我地选择左中间价$298既餐。时间都好足够有120分钟可以慢慢叹。一开头就食左头盘先，可以选择自家韩式芝士鸡或招牌麻辣鸡煲或老檀酸菜鱼。而我地就选择左老檀酸菜鱼，有得选择辣度，我地选择了最少的BB辣，有酸辣香，但食落又不会太辣，岩晒唔食得辣嘅人。鱼无骨，同好滑。之后就食火锅，选择了药膳养生牛奶锅，一开头就一盘五款牛送上黎，而且好贴心有标明系边一款牛，而我就钟意食严选牛下肩，肉质好嫩，重牛味。而朋友就钟意食特级牛胸爽，比较少地方有得食，食落口感好爽，完全不觉得系食紧牛，几好味。而另外仲有其他配料，墨鱼滑，同蟹子虾滑虾，鸭血，饺，蔬菜，丸类等等，种类好多而且质素都不错。饮品同甜品都系任饮任食，饮品有汽水同埋自家制饮品，我觉得蜂蜜菊花露几好饮，几滋润。甜品不错，有好多款配料，同豆腐花好配合，而且豆腐花都好香滑。