影片
更多
2022-11-19
26 浏览
呢间喺尖沙咀天文台道嘅姫·居酒屋，佢哋嘅装修风格好有日本居酒屋嘅风味，令人有种返乡下嘅感觉，而且店员好热情又好细心讲解每道菜嘅用料。佢哋仲做紧优惠，book台食晚饭就有八五折，如果喺九点后入座仲可享有七五折添，不过饮品及酒类不计。𫚕鱼酒粕渍配小松菜：酒粕系日本传统嘅烹调方法，依家嘅𫚕鱼最肥美，鱼味浓郁，配埋小松菜一齐食，味道会更丰富。炸日本长芋 长芋即系我哋所讲嘅淮山，切成一条条再拎去炸，好似薯条，但口感较薯条有咬口，加埋佢哋嘅他他酱味道会更好。PH软壳蟹玻璃纸沙律 ：呢度嘅沙律食嘅时候好方便，会用米纸包住啲菜同埋软壳蟹，有啲似越南嘅春卷。日本银鳕鱼刺身：经过火炙轻轻烧过，更能逼出鱼油，食落更加有油香味。蜜柑鲷刺身/2切：鲷鱼本身自带阵阵蜜柑嘅清香，只需蘸酱油就能食到鱼嘅鲜味。十胜豆纸鳗鱼卷鳗鱼卷中间加咗芝士，其咸香味同鳗鱼嘅鲜甜好夹，加埋口感同鳗鱼亦都好配合，而佢哋用埋可食用嘅豆纸嚟卷，口感烟韧，食嘅时候更方便，亦令整体层次更为丰富。烧日本白鳗：白鳗鱼嚟自日本，依家季节当造，所以特别肥美，肉厚饱满，口感弹牙。烧得啱啱好，皮脆肉嫩，未食到流哂口水。自家制月见免治鸡：平时食嘅免治鸡都系一
佢哋仲做紧优惠，book台食晚饭就有八五折，如果喺九点后入座仲可享有七五折添，不过饮品及酒类不计。
𫚕鱼酒粕渍配小松菜：酒粕系日本传统嘅烹调方法，依家嘅𫚕鱼最肥美，鱼味浓郁，配埋小松菜一齐食，味道会更丰富。
炸日本长芋
长芋即系我哋所讲嘅淮山，切成一条条再拎去炸，好似薯条，但口感较薯条有咬口，加埋佢哋嘅他他酱味道会更好。
PH软壳蟹玻璃纸沙律 ：呢度嘅沙律食嘅时候好方便，会用米纸包住啲菜同埋软壳蟹，有啲似越南嘅春卷。
日本银鳕鱼刺身：经过火炙轻轻烧过，更能逼出鱼油，食落更加有油香味。
蜜柑鲷刺身/2切：鲷鱼本身自带阵阵蜜柑嘅清香，只需蘸酱油就能食到鱼嘅鲜味。
十胜豆纸鳗鱼卷
鳗鱼卷中间加咗芝士，其咸香味同鳗鱼嘅鲜甜好夹，加埋口感同鳗鱼亦都好配合，而佢哋用埋可食用嘅豆纸嚟卷，口感烟韧，食嘅时候更方便，亦令整体层次更为丰富。
烧日本白鳗：白鳗鱼嚟自日本，依家季节当造，所以特别肥美，肉厚饱满，口感弹牙。烧得啱啱好，皮脆肉嫩，未食到流哂口水。
自家制月见免治鸡：平时食嘅免治鸡都系一串串，呢度做成一个火山形状，中间位置有无菌日本蛋，食嘅时候将蛋同肉拌匀，令鸡肉食嘅时候多添一份蛋香，亦令其入口更顺滑。
樱花虾炸野菜饼：用多款嘅蔬菜连同樱花虾所做嘅野菜饼，香脆可口，口感酥脆，油腻感比想像中少。
吸物：系师傅自家熬制嘅鱼汤，亦系呢度用嚟作海鲜汤面嘅汤头，可想而知有几浓。
雪糕：自家制嘅牛奶雪糕，用咗高级嘅日本牛奶所做，有浓郁嘅奶香味，甜度适中。
梅酒 ：系师傅自家酿制，出面饮唔到呢只味道，入口顺滑，无平时饮酒嘅涩味，好重梅酒嘅香甜味，我自己好钟意。
张贴
