影片
更多
2021-11-20
28 浏览
喺尖沙咀附近有间转手无耐嘅日本餐厅，佢哋嘅Omakase都算CP值高，而佢哋嘅厨师亦好细心讲解每道菜式，呢间就系位于柯士甸道嘅松。前菜：有三款分别系较清淡嘅水云醋配海胆，酸酸嘅水云醋同海胆嘅鲜甜味好夹，令人异常开胃，第二款系用虾胶作底，表面铺左三文鱼籽，虾胶用咗甜虾同赤虾打成，鲜甜无比，加埋三文鱼籽，令口感变得得更丰富。最后嘅系蟹膏豆腐而上面仲有松叶蟹肉，而佢哋嘅蟹肉仲加入咗海胆同埋蟹膏拌匀，蟹味变得更加突出。和食系茶碗蒸，喺小小嘅嘅蒸蛋入面有多款不同嘅食材，铺喺面上嘅有蟹肉，三文鱼籽而潜藏喺嫩滑嘅蒸蛋入面分别有虾肉，鱼蛋，香菇等，令味道口感都好丰富。汤：奶白色嘅鱼汤，一啲都唔腥，好好饮。寿司：帆立贝寿司配柚子醋：帆立贝好大粒，够哂新鲜，加埋柚子醋更能突出帆立贝嘅鲜甜味。真鲷寿司配昆布丝：鱼肉爽口，有昆布丝突出鱼嘅鲜味。火炙银鳕鱼寿司配乌鱼子粉：经过火枪烧过，鱼油香味更加扑鼻，而乌鱼子独突嘅味道令到整体嘅香味十足。梳子鱼寿司：用火枪烧过鱼皮，令原本较韧嘅鱼皮变得更易入口，鱼肉弹牙爽口。竹炭盐中拖罗加大拖罗紫苏叶：佢哋用咗紫菜包咗两块唔同部位嘅拖罗，分别系经过14日熟成嘅大拖罗，仲有肉味
喺尖沙咀附近有间转手无耐嘅日本餐厅，佢哋嘅Omakase都算CP值高，而佢哋嘅厨师亦好细心讲解每道菜式，呢间就系位于柯士甸道嘅松。前菜：有三款分别系较清淡嘅水云醋配海胆，酸酸嘅水云醋同海胆嘅鲜甜味好夹，令人异常开胃，第二款系用虾胶作底，表面铺左三文鱼籽，虾胶用咗甜虾同赤虾打成，鲜甜无比，加埋三文鱼籽，令口感变得得更丰富。最后嘅系蟹膏豆腐而上面仲有松叶蟹肉，而佢哋嘅蟹肉仲加入咗海胆同埋蟹膏拌匀，蟹味变得更加突出。
和食系茶碗蒸，喺小小嘅嘅蒸蛋入面有多款不同嘅食材，铺喺面上嘅有蟹肉，三文鱼籽而潜藏喺嫩滑嘅蒸蛋入面分别有虾肉，鱼蛋，香菇等，令味道口感都好丰富。
汤：奶白色嘅鱼汤，一啲都唔腥，好好饮。
寿司：
帆立贝寿司配柚子醋：帆立贝好大粒，够哂新鲜，加埋柚子醋更能突出帆立贝嘅鲜甜味。
真鲷寿司配昆布丝：鱼肉爽口，有昆布丝突出鱼嘅鲜味。
火炙银鳕鱼寿司配乌鱼子粉：经过火枪烧过，鱼油香味更加扑鼻，而乌鱼子独突嘅味道令到整体嘅香味十足。
梳子鱼寿司：用火枪烧过鱼皮，令原本较韧嘅鱼皮变得更易入口，鱼肉弹牙爽口。
竹炭盐中拖罗加大拖罗紫苏叶：佢哋用咗紫菜包咗两块唔同部位嘅拖罗，分别系经过14日熟成嘅大拖罗，仲有肉味更浓嘅中拖罗，喺两块拖罗中间有块紫苏叶，可以中和大拖罗所带嘅油腻感。
金线鲷寿司加柚子皮：金线鲷有日本红衫鱼之称，鱼味特别浓郁。
火炙左口鱼裙边寿司配芥辣籽：经过火炙鱼油香气四溢，闻到都流晒口水，而食𠮶阵因为有芥末籽，可以中和一下左口鱼裙边所带嘅油腻感。
深海池鱼寿司加姜蓉：鱼肉味浓郁，肉质爽口，呢度搭配埋姜蓉更能突出鱼味。
黑鯥寿司加日本酱油，算系较为肥美嘅白身鱼，鱼油香味经已好香，再加埋日本酱油令到佢香味升华不少。
剥皮鱼拌肝酱：肝酱用返剥皮鱼嘅肝做，佢哋嘅肝好香，令到剥皮鱼嘅味道更加好。
麻辣嘅白子：用咗印度街头小食嘅炸球盛载，再以中式麻辣所烹制嘅白子，无谂过喺传纯嘅omakase中食到令人咁有惊喜嘅fusion菜。而白子本身较为腥，但麻辣可以完全掩盖左，佢哋嘅麻辣程度唔算好重，唔食得辣嘅我都能接受到。
甜品今次系抹茶奶冻，茶香浓郁，口感绵滑。
张贴
