GALBI TOWN

营业中

休息中

如果你钟意食高质韩牛，真系一定要试下尖沙咀嘅 Galbi Town！呢间韩式烧肉餐厅地方超大，枱与枱之间嘅距离好阔落，完全唔会逼迫，环境又光猛又舒服，仲可以预订私人房，约埋朋友一齐嚟聚餐，气氛一流！ 讲返食物，呢度专注做高质韩牛，今日试咗佢两款明星菜式：韩牛新鲜肉眼扒同韩牛新鲜板腱肉。肉眼扒嘅油脂分布均匀，厚切嘅口感真系无得顶，每一啖都充满浓郁牛味！职员仲帮手专业烧烤同剪开，真系唔洗自己烦。至于板腱肉，雪花分布更加靓，牛脂丰富，烧起嚟卜卜声，香味四溢，入口即化，呢种享受真系无得输。 食烧肉点少得包肉蔬菜，佢嘅配菜盘包括生菜、紫苏叶、青瓜、萝卜同青椒等等，全都非常新鲜，夹埋重牛味嘅韩牛一齐食，真系完美配搭！仲有韩式小菜，包括清新沙律同蕃茄他他菜，无论解腻或者开胃都一样咁正。 另外仲试咗佢嘅铁板炒辣猪肉配水冷面套餐，炒辣猪肉香辣惹味，上枱热辣辣，配埋冰凉弹牙嘅水冷面，份量十足，真系好满足。当然，最后一定要叫返两支啤酒，烧肉配啤酒，人生无憾！