敍亨軒海鮮火鍋

营业中

休息中

尖沙咀系中高价火锅竞争最激烈既战场之一，要系尖沙咀占一席位真系唔系易事，除左要有质素外，好多铺头都装修到好有特色。今日食既叙亨轩无好特别既装修，简单既火锅店格局，主打既系质素，同价钱合宜。头盘我哋叫左加拿大象拔蚌刺身，大大条够哂成围人食，刺身簿身爽脆，味道鲜甜，真系越食越上瘾，而且价钱均真，个象拔蚌胆仲可以做成椒盐，又系一道极品下酒菜。来到火锅店重点梗系打边炉，呢度既沙嗲汤底同胡椒猪肚花甲汤比较推荐，前者味浓，后者鲜甜，各有所长。呢度既手切特级肥牛肉味浓，雪花纹路相当漂亮，而且份量好足，大盘都系300零，性价比好高，其他菜式都好有质素，值得推介！