五要素食堂 (已結業)

呢排有套戏好旺场，为咗要买到靓位，今晚收工就过左去尖沙咀买定戏飞，再食返晚餐先返屋企！地点方便嘅The One有非常多餐厅，今晚就拣咗日式洋食 — Fifth Elements。餐厅算半开放式，感觉几开扬，未入餐员工就已经好客气地招呼，而估唔到嘅系，员工全部都系讲英文，令我有置身系西餐厅嘅感觉🤣熟成厚切牛舌丼（$88）呢度用料几用心，用咗日本产富山县天盛米，粒粒珍珠米食落好香，落咗少少酱同紫菜增加风味，牛舌煎到外面好香，入面肉质好软嫩又juicy，加埋炸蒜片一齐食真系几正！另外，加$18可以加配定食，有浓厚男爵薯仔沙律同日式洋葱汤，个人好钟意个薯仔沙律，有洋葱、青瓜同薯仔，面头芝士味超浓！蟹肉味酱薯条 （$68）非常特别嘅送酒佳肴，新鲜炸起嘅超香口薯条，蘸一蘸有唔少蟹肉嘅沙律酱，完全食到停唔到口！肉桂富士苹果日式锅夫 （$68 ）全部系自家制日式锅夫，比起平时食嘅牛油味同蛋味冇咁浓，比较脆身，配埋好香嘅肉桂同酸酸甜甜嘅富士苹果，系好好嘅饭后甜品。冻静冈抹茶拿铁（$42）奶味好香但抹茶味唔算太浓。下次黎要约多几个朋友试吓佢嘅手工制作薄饼、创意料理同饮下酒！