石亭居酒屋

营业中

休息中

今晚收工同个朋友去尖沙咀食饭，拣左黎呢间居酒屋。前菜叫左墨作萤光鱿鱼。鱿鱼份量好多，配既酱汁酸酸甜甜，鱿鱼咬落弹牙，系道好开胃既前菜。七味烧鱼翅。味道带甜，鱼干加上沙律酱味道一流！跟住就系刺身拼盘，分别有三文鱼、吞拿鱼赤身、油甘鱼、带子、海胆同牡丹虾。全部都系厚切，感觉啖啖肉，超爽。下面仲有冰粒令刺身保持冰凉。海胆超creamy！居酒屋又点可以唔点烧物，分别点左鸡皮、鸡软骨仲有芦笋牛肉卷。鸡皮超脆，食落又唔油腻。鸡软骨食落够晒爽，每啖都好有咬口，鸡味都好浓郁！食左咁多肉有啲蔬菜调剂下都好重要，有芦笋就啱晒，同外面既猪肉片一齐烧，令口感同味道都好丰富。最后系网烧牛小排，颜色鲜艳，就知道烧得啱啱好喇。油脂分布比较均匀，而且食落好有油感，牛肉味够晒重，旁边既伴碟海草都非常高质。呢度细细间，大概可以坐二十人左右，有吧枱有正常枱，好有feel既居酒屋。