五勺

营业中

休息中

五勺系一间位于尖沙咀诺士佛台嘅居酒屋，佢哋嘅Menu都几多嘢拣，而且性价比都唔错，系一大班朋友约出去食饭嘅好地方！居酒屋嘅装修以木系为主，入面用咗好多酒樽同sake贴纸做装饰。餐厅亦都设有好多卡位，卡位私隐度高，而且好阔落，坐得好舒服！觉得佢哋有几样嘢食都好值得推荐炸鸡皮饺子饺子一碟有六件，饺子外层系鸡皮，炸得啱啱好，有鸡油香，但唔会过分油腻。明太子鸡蛋卷鸡蛋卷蛋皮有好多层次，鸡蛋够香，带啲甜味，铺喺面嘅明太子够多，食落辣辣地，几香口。烧月见鸡肉棒免治鸡肉入面加咗唔少爽口嘅鸡软骨，免层查咗甜甜地嘅烧烤酱，烧到表面浓浓地，有焦香味。配上蛋王，成件事好浓郁，好有满足感！牛舌海盐烧牛舌烧得好好，外层香，带少少脆口，入面非常嫩，食落爽口，而且好有牛香。碟边配有蒜蓉盐，同牛舌好衬！炸鸡软骨炸鸡软骨系居酒屋必点嘅菜式，佢哋嘅鸡软骨好爽口，炸粉啱啱好，唔会话太厚，而且调味恰到好处，配上碟边嘅蛋黄酱，好食到停唔到口！