龍圖閣海鮮飯店

营业中

休息中

我今日试咗尖沙咀一间楼上粤菜，我同朋友见呢间餐厅好多人去，好似几受欢迎，食完都觉得几值得推介！前菜话梅凉瓜，清凉口感真系好适合夏天食，而且唔苦，反而好开胃。流沙鱼皮，我最钟意嘅菜之一，其实即系咸蛋鱼皮。佢嘅蛋黄味道好浓郁，令人食过返寻味。另一味特别嘅菜式系冰川咕噜肉。佢嘅皮好脆，仲有蕃茄仔、蓝莓、红椒同黄椒做伴菜，而且以冰镇嘅方式上枱，令咕噜肉保持住冰凉嘅状态，真系好适合消暑，夏天必食！上汤浸菠菜，清清地够健康，有冬菇丝增加口感。尖椒九肚鱼亦系我好推荐嘅菜色，佢炸得好脆，九肚鱼入面酿咗青椒，有少少辣，但系香口又惹味。仲有沙姜焗鸡，煮得好入味，而且鸡肉唔会过老。最后食埋糖水作为结尾。