GALBI TOWN

营业中

休息中

呢间开左冇耐嘅「GALBI TOWN」韩国餐厅系格兰中心，估唔到系成层楼咁大。入面位置设计得好阔落明亮，坐得都舒服。「酱油蟹」：今次会拣呢间餐厅都系为左佢！用酱油腌制的韩国新鲜花蟹，好大一只，价钱都真系平过系韩国食，韩国Oppa waiter 仲帮手整啲蟹肉出黎拌饭，服务真系冇得顶。啖啖蟹肉嘅饭真系好正，为左佢我会再黎。因为今次想试多哋唔同野，烧肉只系叫左两款。「济州黑毛猪新鲜五花肉」：呢个都真系好似系韩国食果种质素，完美嘅五花肉，黄金比例加上有专业人士帮手烧，真系好唔同，必试！「调味特选牛肋骨肉」：已经预先调味好嘅牛肋骨，服务员又系好有心机咁烧得好靓，肉质鲜嫩，唔使任何酱汁就咁食已经好好味，超推介！原本想食埋个豆腐锅，发现有几款抵食嘅lunch set, 咁就顺便试埋set 「铁板辣炒猪肉配嫩豆腐汤套餐」。估唔到个「铁板辣炒猪肉」都非常满意，一样清晒。总括黎讲呢间韩国餐厅都好正宗，想食平啲嘅话lunch set都值得一试。