泰友Feel

营业中

休息中

庆方中间food court位新开咗间泰国野，价钱60-70左右，暂时有肉碎饭、咖哩饭同生菜包。泰式香叶肉碎饭配㶶边蛋因为我唔食得辣，所以叫咗个最basic嘅泰式香叶肉碎饭(小小辣)配㶶边蛋加龙眼冰应该系即叫即整，所以落完单都等咗15-20分钟左右先有野食。个份量对女仔黎讲ok嘅，男仔黎讲就可能偏少。个肉碎炒得好香好惹味，好好𩠌饭。(唔食得辣嘅要好小心夹走啲辣椒先好捞黎食)个㶶边蛋都唔系hea，个边真系脆卜卜，捞埋肉碎同饭好正。但个饭食落有啲硬，可能配咖哩，湿湿地会好啲。个饭加15蚊有龙眼冰，我一心谂住系泰国餐厅咁一杯，但原来系冲好野一樽樽咁，小小失望。味道普普通通，同埋个樽高身好难先食到啲龙眼肉，要饮晒先慢慢撩到啲肉出黎。