泰友Feel

营业中

休息中

One of my favorite Thai places in TST! Their place is in a food court but what they serve stands and comparable in a good restaurant. For example their pork collar contains Khao Khua, which is toasted rice powder (the white dots you see from the picture below). It gives that authentic Thai flavor and i think is what is missing in most Thai restaurants that serve the same dish. Well balanced of sweet, salty, spicy, and a bit of sour from the lime. We will come back again! 😋

如果你鍾意食辣嘅話，咁青咖哩你絕對唔可以錯過！！未食嗰陣已經聞到咖哩香，青咖哩汁同香料嘅配搭比例好好，所以先煮得出呢個香味，未食已經知道正！！雞肉好嫩滑，入面嘅泰國茄子都好好食🤤🤤同埋同汁真係好餸飯，真係越食越好味，暫時係我食過最好食嘅青咖哩。連平時細食嘅我都食哂成碗飯。😂😂😂雞皮餃子同青咖哩都係滿分之作，餃子個皮超香脆，點埋醬料一流～同埋老闆同員工都好好人，係一間有人情味嘅好味小店！！

呢個肉碎飯真係好啱胃口肉碎乾爽得黎有鍋氣 仲有少少汁撈飯夾埋隻靚蛋撈埋一齊食 好正唔會好重香料味 仲有豆角增加口感豬頸肉燒得香口 調味幾惹味但係覺得太重香料味唔係好鍾意總括黎講就係肉碎飯可以一吃！8/10泰友Feel (尖沙咀)尖沙咀彌敦道36-44號重慶大廈heath慶方地庫S31號舖#foodiehk #hk #food #hkfoodie #hongkongfood #hongkongfoodie #foodie#hkfoodlover #hkfoodshare #foodshare#hklunch #hkdinner #hkfoodporn#hongkong #hkrestaurant #香港 #香港美食 #旺角美食 #油麻地美食 #美食分享 #食評 #香港美食指南 #香港食評

味道真係世！一！我同男友都好鍾意，我地每次食嘅野都唔同，因為想試唔同口味，而最驚喜嘅係每一樣野都好好食🤤🤤每一款嘅野食味道都好好，好正宗！我最鍾意食豬頸肉飯，加埋濃邊蛋會仲正，係會食唔停！豬頸肉調味好好，份量都好夠，必食之選。今次第一次食小食凍豆腐，口感好滑，酸酸甜甜嘅感覺非常開胃，真係好岩夏天食，好降溫^_^之前食過好幾次肉碎濃邊蛋飯，呢個都係我嘅至愛，拌飯真係一流，呢款有啲辣味，辣度係可以自己揀，食得辣嘅話可以叫中辣，真係正架～生菜包同埋咖喱嗰啲飯都好味🤤大推！

慶方中間food court位新開咗間泰國野，價錢60-70左右，暫時有肉碎飯、咖哩飯同生菜包。泰式香葉肉碎飯配燶邊蛋因為我唔食得辣，所以叫咗個最basic嘅泰式香葉肉碎飯(小小辣)配燶邊蛋加龍眼冰應該係即叫即整，所以落完單都等咗15-20分鐘左右先有野食。個份量對女仔黎講ok嘅，男仔黎講就可能偏少。個肉碎炒得好香好惹味，好好餸飯。(唔食得辣嘅要好小心夾走啲辣椒先好撈黎食)個燶邊蛋都唔係hea，個邊真係脆卜卜，撈埋肉碎同飯好正。但個飯食落有啲硬，可能配咖哩，濕濕地會好啲。個飯加15蚊有龍眼冰，我一心諗住係泰國餐廳咁一杯，但原來係沖好野一樽樽咁，小小失望。味道普普通通，同埋個樽高身好難先食到啲龍眼肉，要飲晒先慢慢撩到啲肉出黎。