岸久巿場 (已結業)

之前老公好忙，难得今日唔洗OT我地就去食好d轻松一下。上网见尖沙咀开咗间新既滨烧店，而老公向来都钟意食刺身滨烧，我就提议试下新店。店舖位于尖沙咀厚德街H8，从地铁站去好方便，餐厅位于11楼全层，装修好特别，用上大量日剧及电影海报作点缀，天花又吊满油纸伞，日系感觉强烈之中又有点跳脱。老公好满意今晚的安排，吃完刺身又吃浜烧，一次过品尝佢最爱既日式料理，非常满足。双色柠乳酸梳打乳酸同柠檬味好夹，加上冰条，香甜味美。唐扬鸡翼老公好钟意食炸鸡翼，呢款鸡翼皮脆肉嫩，富有肉汁，老公大赞。岸久刺身五点盛合刺身四点同五点只差80蚊，不过就多左原板海胆，海胆好creamy，入口鲜甜味久久不散。油甘鱼好厚身，另外仲有我最钟意既带子刺身。特选浜烧盛合岸久市场有多款活海鲜，呢款特选浜烧盛合有蚬，生蚝，赤虾，鱿鱼等海鲜，店员会先介绍烧既方法，由于海鲜都好新鲜，基本上唔需要再加其他调味 。食完浜烧我地两个都好饱好满足，餐厅新开张有9折，埋单每人280，几抵食。