影片
更多
2023-06-28
379 浏览
每次经过尖沙咀海旁都会见到BluHouse呢间意大利菜，望住个海景食西餐，谂起都觉得好chill🥰，所以成日心思思想嚟试吓。咁啱有朋友约一齐庆祝生日，就决定一试😍 我哋系周末嘅午餐时段去嘅，当日餐厅唔算太full，我地坐咗喺近门口嘅位置，虽然唔太望到维港，但景观都好开扬，加上餐厅内部好透光，所以都坐得好舒服。BluHouse入面有好多唔同区域，除咗Menu上嘅选择之外，仲可以去唔同区拣嘢食，而我哋嘅位置前面就系pastry 部同埋Venchi嘅gelato部。 Rigatoni Alla Carbonara 🍝($230)呢间餐厅嘅Carbonara煮法好正宗，用咗一般超市比较难揾到嘅Guanciale，喺煮之前预先煎香，食落非常香脆可口，为carbonara加入满满嘅油脂感同咬口。另一方面，佢哋嘅意粉系用粗管意粉，相比起传统意粉，佢显得非常挂汁，每一啖都食到蛋、猪肉同芝士好浓郁嘅蛋香肉香，非常满足😚只系食到后期就开始有啲腻，所以建议大家都系share比较好！ Rotisserie Chicken served warm with Potatoes and Mushrooms 🍄 🥔🐓
我哋系周末嘅午餐时段去嘅，当日餐厅唔算太full，我地坐咗喺近门口嘅位置，虽然唔太望到维港，但景观都好开扬，加上餐厅内部好透光，所以都坐得好舒服。BluHouse入面有好多唔同区域，除咗Menu上嘅选择之外，仲可以去唔同区拣嘢食，而我哋嘅位置前面就系pastry 部同埋Venchi嘅gelato部。
Rigatoni Alla Carbonara 🍝($230)
呢间餐厅嘅Carbonara煮法好正宗，用咗一般超市比较难揾到嘅Guanciale，喺煮之前预先煎香，食落非常香脆可口，为carbonara加入满满嘅油脂感同咬口。另一方面，佢哋嘅意粉系用粗管意粉，相比起传统意粉，佢显得非常挂汁，每一啖都食到蛋、猪肉同芝士好浓郁嘅蛋香肉香，非常满足😚只系食到后期就开始有啲腻，所以建议大家都系share比较好！
Rotisserie Chicken served warm with Potatoes and Mushrooms 🍄 🥔🐓($398)
BluHouse用嘅鸡标榜系无激素、无抗生素嘅走地鸡，因此肉质比较厚实。我哋今次嗌咗半只嘅烤鸡，拣咗Salt and Rosemary，因为鸡肉腌咗成六个钟，加上烹饪嘅时候用咗明火慢焗，食出嚟嘅生熟程度啱啱好，有保留到鸡本身嘅肉汁，而香草嘅份量嘅啱啱好，唔会抢走本身鸡肉嘅鲜味。最值得一提系佢嘅配菜，薯仔同蘑菇都系用鸡油同鸡汁煮成，食落非常之香，甚至仲惊艳过鸡嘅本身，另上嘅红黄椒亦都好好食，非常值得推介😋
Tiramisu ($98)
去得意大利餐厅点可以唔试佢哋嘅Tiramisu，我同朋友都好钟意BluHouse嘅tiramisu，咖啡同酒香好平均，各自都唔会太抢，加上佢嘅口感好细滑，一啖一啖咁食，虽然好饱，但都好快清晒😍绝对系我系香港食过数一数二好食嘅tiramisu！
总括嚟讲， BluHouse嘅食物都几有质素，以尖沙咀海旁呢个地段嚟讲，佢嘅价钱虽然都唔平几进取，但餐厅好啱庆祝特别场合，订枱落返个remark，甜品就会有多张有埋寿星公个名嘅生日牌仔😍唯一要挑剔一下嘅就系人手唔系太够，以呢个价钱嚟讲，服务就有改善嘅空间啦，但整体都唔太影响用餐体验嘅～
张贴
