十和田總本店

营业中

休息中

尖沙咀early lunch 口痕痕想食海鲜丼，喺金马伦道揾到呢间，趁早仲未洗等位入去试试。店内环境舒适，櫈底有篮放袋，座位阔落。每桌均设平板电脑落单。蒸蛋蒸得有水准，里面有蟹柳同银杏面豉汤 味道适中 唔会太咸穴子丼，究竟穴子系乜？我叫之前都特登google过，原来在海生长的叫『穴子』（Anago），在淡水的才叫『鳗』（Unagi）。即穴子系海鲜，鳗系河鲜。呢个穴子丼个重点竟然喺个汁度，捞饭一流，穴子份量亦非常足够。香葱吞拿鱼腩丼，看图不解释，吞拿鱼份量亦充足，铺满饭面，同葱混合一齐食，味道更佳！比较市面众多海鲜丼，价钱算系相对经济。