影片
更多
2025-01-31
22 浏览
最近发觉香港好少舖头开到深夜，有时候夜得滞肚饿都唔知有边间餐厅好食，咁啱朋友都算夜收工，带我嚟食宵夜，啲鱼真系新鲜到爆炸，食落去嘅时候觉得都拍得住omakase嘅质素，最近就做紧樽装酒精饮品七折，超抵玩。‣ 南瓜天妇罗 $38南瓜嘅厚薄切得啱啱好，炸浆包裹住啲南瓜片，外皮香脆唔会太厚。南瓜本身好甜，而个炸浆都好特别，店员同我哋讲话唔使担心大大力点落去啲酱汁就得，发现点极个南瓜依然都系咁脆口，热辣辣真系超正。‣ 炸鸡皮饺子 $58咬落去嘅时候啲肉汁又系爆晒出嚟，鸡皮炸得相当香脆，而我都几钟意佢系搭配新鲜嘅沙律菜，加埋啲菜一齐食就可以减低个油腻感，虽然其实炸得好好唔算好油。大家记住可以连埋啲菜一齐食唔好嘥咗佢，两个都系主角嚟。‣ 免治鸡肉棒 $68‼️超级推荐‼️免治鸡肉棒一咬落去就觉得幸福感满满，唔讲啲肉质有几嫩滑，净系只蛋都真系冇得输，梦王蛋用我肉眼所见都见到个蛋黄相当靓，食落口嘅时候相当浓郁，搭配甘口酱油，真系食完对眼识发光。‣ 中拖罗寿司 $78‼️超级推荐‼️鱼肉油花分布均匀，肥美嘅程度啱啱好，一放入口就化。师傅嘅刀功一流，拖罗切得厚薄适中，配埋温润嘅醋饭，食落去层次分明。你咬落口就会
‣ 南瓜天妇罗 $38
南瓜嘅厚薄切得啱啱好，炸浆包裹住啲南瓜片，外皮香脆唔会太厚。南瓜本身好甜，而个炸浆都好特别，店员同我哋讲话唔使担心大大力点落去啲酱汁就得，发现点极个南瓜依然都系咁脆口，热辣辣真系超正。
‣ 炸鸡皮饺子 $58
咬落去嘅时候啲肉汁又系爆晒出嚟，鸡皮炸得相当香脆，而我都几钟意佢系搭配新鲜嘅沙律菜，加埋啲菜一齐食就可以减低个油腻感，虽然其实炸得好好唔算好油。大家记住可以连埋啲菜一齐食唔好嘥咗佢，两个都系主角嚟。
‣ 免治鸡肉棒 $68
‼️超级推荐‼️免治鸡肉棒一咬落去就觉得幸福感满满，唔讲啲肉质有几嫩滑，净系只蛋都真系冇得输，梦王蛋用我肉眼所见都见到个蛋黄相当靓，食落口嘅时候相当浓郁，搭配甘口酱油，真系食完对眼识发光。
‣ 中拖罗寿司 $78
‼️超级推荐‼️鱼肉油花分布均匀，肥美嘅程度啱啱好，一放入口就化。师傅嘅刀功一流，拖罗切得厚薄适中，配埋温润嘅醋饭，食落去层次分明。你咬落口就会明点解系呢个价钱，呢个质素绝对值得。
‣ 金目鲷寿司 $68
‼️超级推荐‼️呢条金目鲷嘅新鲜程度真系冇得讲，绝对值得一试。师傅仲特别用火炙过鱼皮，令到个香气更加突出，啲鱼油嘅香真系更上一层楼，而鱼肉质地本身就结实又弹牙，一定要试。
‣ 帆立贝寿司 $98
帆立贝肉质爽甜，食落去清新爽口。帆立贝个size好足，真系够晒厚够晒大块，俾得一啲都唔小气，配埋醋饭真系天衣无缝。真系值得一试，特别系钟意帆立贝嘅朋友，好钟意师傅仲好有心机用个花装饰吓佢。
‣ 三文鱼寿司Salmon $28/1
我觉得个三文鱼都带到惊喜俾我，本身纯粹系谂住平时都钟意食三文鱼所以嗌一两件过下口瘾，但系冇谂过食落口𠮶阵觉得个三文鱼肥美程度啱啱好，厚薄又适中，食得出相当新鲜。
‣ 葱花拖罗蓉军舰 $48
拖罗蓉新鲜得嚟油香浓郁，上面嘅葱花增添层次感。出面有紫菜裹住啲醋饭，搭配拖罗蓉嘅油润口感，一啖咬落去相当过瘾好味。
‣ 鳗鱼寿司 $48/1
师傅嘅鳗鱼烧得啱啱好，外皮微微焦香，酱汁香浓但又唔会掩盖咗鳗鱼本身嘅香味。肉质软滑，加上酱汁同醋饭嘅配搭恰到好处，每一啖都系享受。
‣ 池鱼 $268
‼️超级推荐‼️呢条池鱼真系新鲜到爆，师傅嘅刀工极之讲究，而且仲特登分咗薄切厚切，啱晒钟意唔同口感嘅朋友。肉质爽滑，油花分布恰到好处，食落去满口鲜甜。你钟意配酸汁又得，豉油同埋山葵亦得，而佢嘅山葵都相当香，绝对可以提升到条鱼嘅香味。呢个价钱开到成条鱼，仲要咁新鲜，都算系咁。
‣ 果酒 $78
两款嘅酒精度数啱啱好，饮落去顺喉爽口。平时我自己都系比较钟意饮梅酒，今次特别嗌咗个西瓜酒，冇谂过比想像中好饮好多，相当之惊喜，趁住而家做紧优惠，无论咩时间都系happy hour，真系值得过嚟疯狂饮果酒。
张贴
