新泰東南亞餐廳

营业中

休息中

成日经过尖沙咀泰国菜都好多人等位，今日订定位来食，餐厅门口有泰国象，又有嘟嘟车装饰，更有泰国风味，入座要落一层，超大超多座位，但都坐满人，气氛热闹。我地点左3款美食，份量都大份好满足。小拼盘 (虾饼、鱼饼) $168炸得金黄酥香，虾饼好爽口弹牙，虾味重，咬落有虾肉粒。鱼饼软软绵绵微弹，鱼肉混合各种泰式香料，味道好香又唔会腥，仲有D豆角粒增加咬口，两款都好好味又啖啖肉。生菜肉碎包 $88我地拣左猪肉，味道有惊喜，好够辣同够酸，泰式香料味突出，仲有配料，千层塔、芫荽、柠檬叶、紫洋葱.....配半肥瘦猪肉碎，好香好好味，生菜新鲜爽脆。泰式虾炒金边粉 $118卖相吸引，蛋皮包著炒金边粉，大虾有3只好爽弹好食，炒金边粉加左茄汁调味，酸酸甜甜好开胃消腻，仲可以加青柠汁，更添泰式风味，我仲加左花生碎好香口，金边粉炒得干身，口感滑溜带点坚韧。