肉搏食堂 (已結業)

📍肉搏食堂厚福街出左名多食店，行过肉搏食堂门口有位职员介绍特色丼饭都好吸引，牛肉讲到系慢煮应该会特别淋，所以决定入去试下。👅慢煮牛肉饭 $88慢煮牛肉表面依然透红，一片片牛肉堆到成座山咁高，食入口好鲜嫩，牛肉味好重，加埋面头既鸡蛋黄令到牛肉片更加嫩滑，连埋烧汁同埋酸忌廉汁就愈食愈开胃。👅海胆牡丹虾杂锦刺身丼 $148刺身用料好丰富，有海胆、三文鱼、吞拿鱼、油甘鱼、牡丹虾同埋三文鱼子。所以刺身都好新鲜，海胆既份量都好多。寿司饭再加埋蛋黄既汁食真系好满足。👅朱古力曲奇沙冰 $58呢杯沙冰只杯好得意，一放落枱就忍唔住即刻打卡，朱古力沙冰唔会太甜，上面仲有两条黑白配既曲奇，加埋忌廉一齐食都唔会太腻。👅玫瑰荔枝梳打 $58呢杯梳打既粉红色真系好吸精，每啖都饮到荔枝既甜味，味道好清新，梳打好够汽好清爽。