Fog Bar & Restaurant (已結業)

今日同男朋友嚟到尖沙咀揾嘢食，突然之间好想食下西餐但又唔想净系食牛扒𠮶啲，最后就揾到依间fog bar西式餐厅，佢店舖唔系好大但装修充斥着西方嘅风情，坐低之后转左佢嘅Menu好多好吸引嘅食物例如Pizza，nachos等等。而佢亦都有好多唔同酒嘅选择，但因为我同男朋友都唔系特别钟意饮酒所以就冇叫到。首先我哋叫咗个芝士牛肉焗粟米片，原本粟米片会好腻，但佢嘅酱汁令到食落嘅时候唔会觉得好油腻，而且粟米片亦都keep得住脆度，之后我哋又叫咗烤鸡芝士panini ，佢唔算好大哥而且材料十足，食嘅时候每一口都充满着香草嘅酱汁同埋鸡肉，真系好好食。最后我哋就叫咗一个特级多宝pizza，因为佢望落咩材料都有，而因为我哋已经有少少饱所以叫咗一个八吋嘅，而去嘅Pizza系薄皮嘅，所以食埋之后我哋两个嘅份量都啱啱好