Tapa Room (已結業)

话说我超钟意食西班牙Tapas🇪🇸，因为贪佢细细碟，种类繁多以及味道浓郁。除旧迎新咁开心，我就同朋友去咗位于尖沙咀The Nate嘅「Tapa Room」食晏。餐厅面积唔大，不过装修几四正，而且充份采用落地玻璃窗嘅阳光晒入室内，所以环境好光猛。我哋获安排坐喺高枱，空间感更佳👍，而且靠近窗边，能够望到山林道嘅街景。值得一提系餐厅放餐具嘅柜桶🍴排列得好整齐。西班牙薯仔蛋饼配日式明太子($88)，🥚蛋饼可算系西班牙Tapas之首，亦系普遍以及呢间餐厅最好食嘅菜式😋。依度嘅蛋饼比其他餐厅嘅出品更出色，因为将明太子融入蛋饼，毫无违和感，而且更多咗一份咸香。切开后更有流心嘅效果，蛋饼内嘅薯仔粒🥔亦为蛋饼提升口感。薄切慢煮八爪鱼配日本海葡萄($98)，呢个作为前菜非常惹味，垫底嘅橄榄油同酸汁好开胃。🐙薄切八爪鱼有四片，配搭埋爆脆嘅海葡萄🍇同明太子食，味道好丰富。西班牙黑毛猪火腿及柚子蜜茄子卷配日本柚子醋汁($68)，呢个小食嘅组合有唔同层次，最外层系风干火腿，入一层系茄子🍆，再入面就系生菜。酱汁用上柚子醋，所以甜甜哋，几得意🍋。棒棒鹅肝配日本清酒($98)，呢道菜嘅卖相好啱打卡📸，不过味道我就麻麻。