OM Tapas (已結業)

自从去完西班牙返嚟后，每次行过棉登径corner位都见到呢间西班牙餐厅都总想入去食，今次终于真系入去食饭喇。铺面唔算大，但座位唔迫，四位可以选卡位座，我就偏好坐吧枱，可以睇厨师整嘢食同调cocktail。由于太口渴关系，先叫杯啤酒，西班牙啤配Barcelona杯。之后慢慢拣嘢食，menu喺枱上面张餐纸，有中文同英文。餐厅有个冻汤，我喺葡萄牙饮过差唔几嘅冻汤，醒神开胃。小食叫咗个金枪鱼鞑靼配蕃茄清汁，手工幼细，鱼味鲜甜再叫咗个慢煮章鱼·墨汁薯泥，呢个重点竟然落咗喺个薯泥度，墨汁饭面都食得多，墨汁薯泥就第一次食，好味又唔漏。最后甜品叫咗西班牙油炸鬼churro，炸出嚟好脆，个朱古力酱又无西班牙当地果d咁杰挞挞，适合香港人口味。坐吧枱见到个bartender冲cocktail好有心机，d garnish 都好细心咁放，呢杯signature sangria - OM 一定要试。 净系sangria 都有好多款拣。总结：西班牙菜算做得几好，餐厅环境亦适合慢慢食倾偈，睇得出d cocktail用心调，唔好学好咁笨饮啤酒，一定要试佢d cocktail。