壹食就醉

营业中

休息中

宜家约朋友食饭真系越嚟越难，大家唔系忙返工就系忙读书，难得终于约到一日！朋友喺尖沙咀返工，所以好清楚呢头有咩好西食，佢今日就带我黎食呢间楼上私房菜，有小菜仲有打边炉。呢度环境几舒服同阔落，至岩食饱同朋友坐喺度倾计。黎食之前爬过文，见到好多人都会叫清酒卜卜蚬，comment都唔错，再加上我同朋友都钟意食海鲜，所以我哋都唔执输嗌咗份。落左单冇几耐就已经上菜，非常速度。之后等佢煮到差唔多时候，店员会黎落清酒，再等佢煮滚就食得啦！蚬肉好鲜甜，而且一啲沙都冇，平时食蚬最惊就系食到沙，唔怪得咁多人都推介呢度嘅卜卜蚬。我哋仲叫咗份黄金虾，一食就食到蛋黄咸香，非常惹味，再加上炸得外脆内爽，真系食到停唔到口。