影片
更多
2023-01-09
5970 浏览
📌 星海．誉宴 (The ONE) - 尖沙咀弥敦道100号The ONE 18楼🗓(7/1) 星期六 ⏰ 早上10点左右💈特式：今日放假早左起身，所以想揾个地方饮返个早茶，横掂要出尖沙咀买少少野，所以就去左呢间位于The ONE 18楼嘅酒楼饮茶，佢系走比较高档路线，同埋酒楼拥有个无得顶嘅景。🥩🍔🌭🌮🥗🥯🥘🍲🍝🍣🥟🍤🍱食物：佢食物嘅种类就唔算好多，但一般饮茶应有嘅点心都会有，另外仲有一些小食等等，等我同大家讲下🫖味道先。今日总共叫左6个点心（招牌胡椒浓鸡汤灌汤饺/清香鱼肚卷/黑胡椒安格斯牛肉肠/鲜淮山长脚蟹柳棉花鸡/姜葱蒸牛栢叶/紫金酱蒸金钱肚），3个小食（冰镇莴笋/泡椒鹅掌翼/沙姜猪手粒），1个甜品（香芒糯米卷）。招牌胡椒浓鸡汤灌汤饺 - 呢个鸡汤系几好饮，胡椒味又重，不过只灌汤饺（应该系叫汤浸饺）就无乜馅料，唔算出色。清香鱼肚卷 - 呢个就好普通，真系用腐皮包住鱼肚咁简单。黑胡椒安格斯牛肉肠 - 呢个个味好食，但上枱时已经唔热，所以感觉麻麻。鲜淮山长脚蟹柳棉花鸡 - 呢个就系普通棉花鸡，同埋淮山真系唔适合蒸，因为淋左口感一般。姜葱蒸牛栢叶/紫金酱蒸金钱肚 - 呢两个就正正常常酒楼
🗓(7/1) 星期六 ⏰ 早上10点左右
💈特式：今日放假早左起身，所以想揾个地方饮返个早茶，横掂要出尖沙咀买少少野，所以就去左呢间位于The ONE 18楼嘅酒楼饮茶，佢系走比较高档路线，同埋酒楼拥有个无得顶嘅景。
🥩🍔🌭🌮🥗🥯🥘🍲🍝🍣🥟🍤🍱
食物：佢食物嘅种类就唔算好多，但一般饮茶应有嘅点心都会有，另外仲有一些小食等等，等我同大家讲下🫖味道先。
今日总共叫左6个点心（招牌胡椒浓鸡汤灌汤饺/清香鱼肚卷/黑胡椒安格斯牛肉肠/鲜淮山长脚蟹柳棉花鸡/姜葱蒸牛栢叶/紫金酱蒸金钱肚），3个小食（冰镇莴笋/泡椒鹅掌翼/沙姜猪手粒），1个甜品（香芒糯米卷）。
招牌胡椒浓鸡汤灌汤饺 - 呢个鸡汤系几好饮，胡椒味又重，不过只灌汤饺（应该系叫汤浸饺）就无乜馅料，唔算出色。
清香鱼肚卷 - 呢个就好普通，真系用腐皮包住鱼肚咁简单。
黑胡椒安格斯牛肉肠 - 呢个个味好食，但上枱时已经唔热，所以感觉麻麻。
鲜淮山长脚蟹柳棉花鸡 - 呢个就系普通棉花鸡，同埋淮山真系唔适合蒸，因为淋左口感一般。
姜葱蒸牛栢叶/紫金酱蒸金钱肚 - 呢两个就正正常常酒楼级数好少少。
冰镇莴笋 - 莴笋系几新鲜爽口，配埋豉油芥茉几清新。
泡椒鹅掌翼 - 不过不失，不过如果做泡椒味，我情愿佢做返正常卤水会仲好d。
沙姜猪手粒 - 呢个就真系做得唔错，粒粒都好爽口，尤其是猪皮位置，不过略嫌沙姜味唔够重。
香芒糯米卷 - 呢个甜品就值得推介，整体都做得唔错，又唔太甜，口感味道都有中上水平。
☕️🍵🥤🧋🍺🍷🥃🍹🧉🍾🍶🥛
饮品 - 饮茶就通常都系叫普洱/水仙/香片/铁观音等等，咁佢都有齐呢d最普遍嘅茶品种，不过级数就普普通通。
🍽环境：餐厅环境/装修系几靓，因为佢地晚市系会比人包场做婚宴酒席，所以装修都有返咁上下高档，加埋大量落地玻璃窗/门，可以尽览维港海景同香港岛山景，仲有好多户外坐位比客人坐下影相咁。
🤵🏻🤵🏻♀️🤵🏻♂️服务：店员服务态度都几参差，有某两三个比较正常返d，其他就好似懒懒闲咁，尤其系我当日大约10:05分到酒楼门口，因为佢开10点，当时店面好静一个职员都唔见，我系门口企左10分钟都无人招呼过，直到10分钟后先有个知客施施然系入面行出嚟问我几多位。
💰💸价钱：总数叫左6个点心，3个小食，1个甜品，埋单就$604，比起平时去普通大集团个d酒楼差唔多贵左40%左右，不过味道就比较好，亦有靓景提供，所以见人见智啦。
🐲💬总结：我对酒楼嘅环境/食物质素都几满意，不过价钱就唔算平，而家职员服务态度亦有待进步。
推荐指数：❤️❤️❤️🤍️🤍
张贴
