云手工火鍋店

营业中

休息中

FD黎香港旅行，指定要试哩间火焰火锅，咁一早book定台啦。餐厅装修得古香古色，除咗火锅，仲提供数款串烧同小菜。美国安格斯牛小排，串烧火候唔错，牛小排表面焦香，内里juice，用咗酱烤方式烤制，同牛小排好夹。火焰花甲蟹锅，哩个锅底系今晚主菜，用咗一整只新鲜花蟹同埋大量花甲烹制。侍应会系面前炒熟锅底，之后落咗白酒点火，用火焰对海鲜进行二次烹饪。宜家食海鲜正当季，海鲜新鲜肉质饱满好鲜甜。用海鲜煲制嘅汤底，饮落都特别清甜。水晶滑牛，新鲜牛肉厚切，捞埋鸡蛋一齐下入汤底。微烫已经可以食，牛肉肉质软嫩牛味十足。手打虾丸（半份）同午餐肉，FD嘅最爱，虾丸弹牙爽口，午餐肉伴有碎碎肉粒。皇帝菜，分量都几多下，皇帝菜新鲜鲜甜，佢独特嘅香味同海鲜锅底好夹。稻庭乌冬，乌冬质素唔错，煮几耐都好有韧性。乌冬嗦晒汤底滋味，食到停唔落口。