影片
更多
2022-09-23
92 浏览
今日嚟到尖沙咀iSquare食川菜，呢间川菜真系超人气啊唔单止嘢食高质，仲可以望到维港海景啊，佢哋嘅菜式都唔算太贵都系一般中菜价钱，但个环境真系非常之好气氛都好唔错，平日夜晚佢都满晒座，咁就知究竟有几出名同埋几好食啦🫢🫖八宝茶 (7/10)入面有玄米杞子菊花，好多料，饮落去几香有少少回甘，美中不足就系越冲越淡。🍴南充酸菜桂花鱼 $488 2-3人份 (9.5/10) 另收加一看到一大盆新鲜的酸菜鱼例牌都超级大兜，觉得可以3-4人食🤣有好多去骨鱼片，酸菜辣椒同埋薯粉！新鲜桂花鱼片切得比较厚身，肉质非常滑，好香浓嘅鱼味，食得出有鲜味！鱼肉食到一块块系新鲜鱼先会有！酸菜汤以汤底以上汤熬制，加入四川正宗老坛酸菜(老坛酸菜把大白菜及辣椒等配料放在士坛内以泉水自然发酵而成)，味道咸酸，微微辣，非常之香口，酸菜口感好爽好嫩，好有鲜味！薯粉非常多好软滑吸汁！真系我食过咁多间最好食最高质嘅酸菜鱼！🍴孜然香酥羊腩 $238 (9/10) 另收加一炸到超级香脆，羊味非常浓郁，肉质好淋，仲有带有少少油脂，油润嫩滑，食落有油香，但唔会太油腻，个汁用咗辣椒蒜蓉黑醋去调，可以去油腻，好好食！🍓拔丝士多啤梨 $168
今日嚟到尖沙咀iSquare食川菜，呢间川菜真系超人气啊唔单止嘢食高质，仲可以望到维港海景啊，佢哋嘅菜式都唔算太贵都系一般中菜价钱，但个环境真系非常之好气氛都好唔错，平日夜晚佢都满晒座，咁就知究竟有几出名同埋几好食啦🫢
🫖八宝茶 (7/10)
入面有玄米杞子菊花，好多料，饮落去几香有少少回甘，美中不足就系越冲越淡。
🍴南充酸菜桂花鱼 $488 2-3人份 (9.5/10) 另收加一
看到一大盆新鲜的酸菜鱼例牌都超级大兜，觉得可以3-4人食🤣有好多去骨鱼片，酸菜辣椒同埋薯粉！新鲜桂花鱼片切得比较厚身，肉质非常滑，好香浓嘅鱼味，食得出有鲜味！鱼肉食到一块块系新鲜鱼先会有！酸菜汤以汤底以上汤熬制，加入四川正宗老坛酸菜(老坛酸菜把大白菜及辣椒等配料放在士坛内以泉水自然发酵而成)，味道咸酸，微微辣，非常之香口，酸菜口感好爽好嫩，好有鲜味！薯粉非常多好软滑吸汁！真系我食过咁多间最好食最高质嘅酸菜鱼！
🍴孜然香酥羊腩 $238 (9/10) 另收加一
炸到超级香脆，羊味非常浓郁，肉质好淋，仲有带有少少油脂，油润嫩滑，食落有油香，但唔会太油腻，个汁用咗辣椒蒜蓉黑醋去调，可以去油腻，好好食！
🍓拔丝士多啤梨 $168 (8/10) 另收加一
造型打卡，非常加分，佢全部都系糖丝好靓，真系要有好好嘅功夫先拉到咁多糖丝，甜甜地好香麦芽味！糖丝系好香脆一丝丝，有少少吉口，好有口感！士多啤梨出面，包咗一层糖胶，非常香脆士多啤梨嘅酸甜中和左个甜味几好食嘅！食得多有少少腻，多人share会开心啲😆
推荐指数: 9/10
呢度嘅菜式唔系正宗好辣𠮶只川菜，佢都配合左香港人嘅口味变得温和少少，食都冇咁辛苦，个人唔算太食得辣，但又钟意食少少辣过吓瘾，真系觉得呢间川菜好唔错，服务态度好好食物环境都好高质，又可以慢慢坐一路望维港夜景一路食饭，非常之推荐呀！
张贴
