塚田農場

营业中

休息中

周末同老公到有靓景嘅日本餐厅冢田农场食晚餐。望住晚霞，食住好味嘅晚餐，放松吓心情，系非常正嘅体验。-日本酒lover有鸡胸肉, 芝士，蚝，明太子同枝豆, 每款小食都各有特色，尤其系蚝鲜甜可口，食落去非常开胃。-美人涮锅 和风鸡白汤（和牛&鹿儿岛天然豚肉）香味四溢嘅和风鸡白汤锅，四周摆满咗和牛同豚肉。乳白色嘅鸡白汤用大火熬煮，令鸡骨入面嘅精华释出、乳化汤头，形成香味浓厚嘅鸡汤。和牛加热后，白色嘅脂肪部分会顺住周围嘅瘦肉向入面融化渗透，有着非常柔软嘅口感，令人回味无穷。瘦肉部分嘅美味同脂肪部分嘅香味巧妙融合，好好食。豚肉肉质紧致多汁、口感柔软有弹性、滋味甘甜鲜美、脂肪清爽唔黏腻，配埋鸡白汤非常美味。-明太子年糕薄饼香浓芝士味嘅年糕底，配埋明太子嘅咸味，仲带有少少辣味，味道非常丰富。-日本产海胆和牛卷新鲜海胆同和牛完美搭配。可以食到鲜嫩多汁嘅和牛至于仲可以食到美味嘅海胆，真系一道神奇嘅菜色。-冢田农场 梳乎厘玉子烧蛋味香浓，外层有微微焦香而入面保持滑嫩，令人食得难以忘怀。