影片
更多
2021-09-26
7665 浏览
Hugo’s系香港一间名气老牌扒房，1969年开业，本身系位于弥敦道上既凯悦酒店。宜家已经搬左去尖沙咀K11上层既 Hyatt Regency 酒店大堂。装修极有格调，有点似去左欧洲古堡一样。入口处有好多个盔甲武士同见到有装饰用既古剑。晚餐时间去，环境幽暗有情调。被安排坐系系好大张舒适既沙发圆座，.见套餐上面既选择都岩食，所以两个人点左一个经典套餐同散点几样野Share。.1️⃣🥖餐前面包三款⭐️4/5面包篮有法包、蒜蓉包及牛油酥。以餐前面包黎计佢既蒜蓉包好出色，够热蒜蓉感好重牛油好香。有一段时间无食过牛油酥，外皮酥皮咸香感重，内里好软熟，个人评价几高。虽然餐包可以无限添食，但叫左好多主食都系浅尝好了。 经典套餐 (5道菜 $1,388)2️⃣精选新鲜时令生蚝 配 干葱红酒醋⭐️3/5侍应话今晚系法国生蚝 (唔知有无记错)，一人份头盘有两只。生蚝比较细只，海水味唔算重亦唔算Creamy，配有自家制红酒醋。唔知系唔系因为跟餐款式质素未算好高，我觉得绝对可以更好。.2️⃣布根地式焗田螺 酿 田螺肉、香蒜牛油⭐️2.8/5因为share 食所以餐厅上台前好贴心咁每人分开三只黎焗，田螺好大只厚肉，香蒜牛油味非常
.
见套餐上面既选择都岩食，所以两个人点左一个经典套餐同散点几样野Share。
.
1️⃣🥖餐前面包三款
⭐️4/5
面包篮有法包、蒜蓉包及牛油酥。以餐前面包黎计佢既蒜蓉包好出色，够热蒜蓉感好重牛油好香。有一段时间无食过牛油酥，外皮酥皮咸香感重，内里好软熟，个人评价几高。虽然餐包可以无限添食，但叫左好多主食都系浅尝好了。
经典套餐 (5道菜 $1,388)
2️⃣精选新鲜时令生蚝 配 干葱红酒醋
⭐️3/5
侍应话今晚系法国生蚝 (唔知有无记错)，一人份头盘有两只。生蚝比较细只，海水味唔算重亦唔算Creamy，配有自家制红酒醋。唔知系唔系因为跟餐款式质素未算好高，我觉得绝对可以更好。
.
2️⃣布根地式焗田螺 酿 田螺肉、香蒜牛油
⭐️2.8/5
因为share 食所以餐厅上台前好贴心咁每人分开三只黎焗，田螺好大只厚肉，香蒜牛油味非常重。但个人认为蒜香味太重太咸，完全盖过左螺味，唔知系唔系因为咁系”布根地式”口味？
.
3️⃣龙虾汤 忌廉白兰地酒龙虾汤 (席前火焰烹调)
⭐️3.7/5
Hugo’s 龙虾汤系餐厅主打名物，每台必点。我地就系因为见套餐有呢个汤先决定点呢份套餐。汤系玩席前火焰烹调，有少少似去睇表演。汤非常浓，酒味好重，Share好似分到一小粒龙虾。个人从来唔系龙虾汤嘅粉丝，浅尝就好。自己觉得太浓酒味有点咸，但同行者觉得呢个龙虾汤好出色。
.
4️⃣法式黑胡椒牛柳 配 薯蓉、有机蔬菜
⭐️2.8/5
牛扒外表好黑，同行者叫左Medium生熟度刚好。因为我主力系食Prime Rib呢份牛柳只系试咗少少，个人觉得呢份牛楼个质感唔多似平日食开嘅牛扒，有少少似食紧煲汤一丝丝嘅瘦肉🙉。不过我只试咗一小件未必能作准。底薯蓉就唔错。
.
5️⃣希戈榛子果仁酱疏乎厘 金万利橙酒汁、朱古力干邑汁
⭐️4/5
甜品系呢套餐最出色嘅菜式，疏乎厘口感轻盈湿润，面既榛子果仁酱甜度恰到好处。橙酒汁朱古力干邑汁唔算浓味，正合我胃口。
.
餐饮叫左奶茶，茶底好香。
.
A La Carte Menu
6️⃣皇帝蟹肉沙津 配 奥塞佳鱼子酱、海鲜汁、自家制英式烤饼 $388
⭐️3.8/5
呢一份餐前小食一啲都唔平，不过见佢用上昂贵食材，人一世物一世点照试吓。沙律份量唔算太多系几小口会食得完既份量，面铺昂贵嘅鱼子酱，主体系大量嘅皇帝蟹肉沟海鲜汁，再配上蛋白饼一齐食。蛋白饼同埋鱼子酱😂其实冇乜味，不过主体蟹肉好鲜甜。整体正评！
.
7️⃣烧美国顶级牛肋骨肉 (席前银车切片) $620
⭐️4.2/5
瑞士式煎薯饼 $60 ⭐️3/5
忌廉菠菜 $60 ⭐️3.6/5
黎得Hugo食饭Prime Rib 系主角。Hugo 好多款菜式都有玩席前烧/煮/整/砌，当然或多或少系噱头。高大靓仔外藉厨师即场切牛肋骨，连埋骨上好厚好大块。叫左Medium Rare，生熟度刚刚好，冇血水但肉身好滑。份量比我想像中多好多，最近都去过几间高级餐厅点过呢一个菜式，Hugo份量都算系最慷慨（咁样当然价钱或多或少都反映到）。牛扒软滑系我好喜欢嘅质感，可惜因为同行者怕生，所以我需要一个人食晒全份，结果佢高质既Yorkshire Pudding我已经食唔到。呢份Yorkshire Pudding 系暂时我食过最好食嘅。另外额外加钱叫嘅煎薯饼同埋忌廉菠菜，我觉得比较普通，煎薯饼虽然份量好大但我觉得冇乜味似食紧中式萝卜丝酥饼，忌廉菠菜我就比较喜欢文华扒房版本。
.
8️⃣橙酒煮班戟 法式班戟、焦糖橙汁、金万利橙酒、云呢拿雪糕 (席前火焰烹调) $125
⭐️4.2/5
唔钟意酒味嘅我以为呢一份signature dessert 我未必会钟意，不过睇在佢又系席前再加上卖相几靓仔，照叫一份试吓唔好留遗憾。结果除咗份prime rib外我全晚最欣赏就系呢个菜式。甜品份量唔多，得三小片法式班戟，但系个橙酒汁好香加埋一齐食感觉良好。个云呢拿雪糕基本上影两张相已经开始溶，当汁食都好滑。
.
送：Hugo’s 朱古力x3 及朱古力脆皮雪糕波波x4。朱古力脆皮雪糕波波有干冰垫底打开个好打卡able，味道就正正常常四平八稳。反观𠮶三粒朱古力有惊喜，全部有唔同夹心，三粒都好食。
.
总结：环境服务都唔错，几适合情侣间喜庆节日用餐。餐厅搞咗好多打卡花巧野，好多席前烹调或者最后送嘅甜品都几有心思，整体用餐感觉系良好嘅。不过食物水准未至于系我食过同级最好，以同级计计埋性价比入去，达系合格水平。
.
不专业食评nei.foodie
餐前面包
78 浏览
1 赞好
0 留言
生蚝
91 浏览
0 赞好
0 留言
皇帝蟹肉沙津 配 奥塞佳鱼子酱
74 浏览
0 赞好
0 留言
布根地式焗田螺
75 浏览
0 赞好
0 留言
法式黑胡椒牛柳
75 浏览
0 赞好
0 留言
烧美国顶级牛肋骨肉
68 浏览
0 赞好
0 留言
希戈榛子果仁酱疏乎厘
40 浏览
0 赞好
0 留言
希戈榛子果仁酱疏乎厘
33 浏览
0 赞好
0 留言
橙酒煮班戟
27 浏览
0 赞好
0 留言
橙酒煮班戟
22 浏览
0 赞好
0 留言
餐后甜品
22 浏览
0 赞好
0 留言
张贴
