玄米茶廳

营业中

休息中

餐厅位置都算方便，而且喺广东道，今日同同事喺附近做嘢就决定试吓呢一间茶餐厅，之前都经过，见到入边都几多人，所以就决定过嚟试吓！x0酱海虾球滑蛋饭, 饭嘅份量都算几多，而且嚟到嘅时候睇得出系即刻叫我即刻做，热辣辣，价钱嚟讲唔算太贵，虾球嘅味道，我觉得可以，每一只都非常大只，而且爽口弹牙！再加埋蛋，佢又唔会做得太熟，成个口感配搭送饭，我觉得都唔错，虾嘅份量起码有五至六只，呢一个价钱嚟讲，我觉得都比几多，所以我哋都觉得佢嘅唔错！再加埋少少XO酱喺个面度令到成个饭嘅味道更加突出，侧边度有少少沙律菜，都好fresh! 整体上都觉得呢个饭几好食！我哋另外叫咗一个四宝饭，烧腩仔嘅味道非常好，唔会话好肥，而且我哋都觉得佢个皮烧到好脆，再加埋少少黄色嘅芥辣，真系唔错！叉烧亦都好香，肥瘦平均，送饭简直就系一流，再加埋红肠同埋一只咸蛋！整体嚟讲都觉得唔错，而且份理我哋都觉得理想！见到佢仲有好多唔同嘅套餐，下次会再返嚟帮衬！