影片
更多
2022-12-19
25 浏览
放工喺尖沙咀想揾个地方食饭睇波，但我哋又怕诺士佛台太嘈杂🙈，所以再另觅去处。上网见到金巴利道有间楼上酒吧「LAVA」写明有足球直播⚽️，菜式又好似几啱食，就一于试吓。搭䢂上到去，门口招牌唔太明显，幸好外墙画上油画同餐厅名🎨。我哋推门入去发现，餐厅面积非常大，又宽敞，环境几好㖞，望落好似仲有室外座添。店员好快就为我哋送上Welcome Drink🍹，绿色液体劲抢眼，饮落好似有啲蜜瓜味，甜甜哋，酒精成份唔高。虽然小小心意，但好窝心。食物卖相吸引，🇪🇸西班牙Tapas款式繁多，细细份，价钱唔贵，可以嗌多几款。意大利牛他他挞配脆薯仔($128)，他他好出色🥩，店员会预先帮忙分菜，一客有两件。牛肉他他整到好似挞咁，拎住食好方便，而且面头啲「木糠碎」脆卜卜，更添层次。牛肉咬落好绵又无筋，混入洋葱、芝麻同小葱等，调味微微酸，几开胃，一啲都唔腥🤤。马蕯拉炸鸡髀仔($88)，🍗呢份炸鸡锤属性价比高之选，一份有成六只，啱晒食肉兽。马蕯拉口味类近印度风情，重香料味，辣辣哋，几惹味🇮🇳，另外仲搭伴少量脆虾片。蟹肉奄列($98)，食西班牙菜点少得蛋饼Tortilla🍳。奄列所跟配嘅馅非芝士或风干火腿等咸味嘢，而系
放工喺尖沙咀想揾个地方食饭睇波，但我哋又怕诺士佛台太嘈杂🙈，所以再另觅去处。上网见到金巴利道有间楼上酒吧「LAVA」写明有足球直播⚽️，菜式又好似几啱食，就一于试吓。
搭䢂上到去，门口招牌唔太明显，幸好外墙画上油画同餐厅名🎨。我哋推门入去发现，餐厅面积非常大，又宽敞，环境几好㖞，望落好似仲有室外座添。
店员好快就为我哋送上Welcome Drink🍹，绿色液体劲抢眼，饮落好似有啲蜜瓜味，甜甜哋，酒精成份唔高。虽然小小心意，但好窝心。
食物卖相吸引，🇪🇸西班牙Tapas款式繁多，细细份，价钱唔贵，可以嗌多几款。
意大利牛他他挞配脆薯仔
$128
0 浏览
0 赞好
0 留言
意大利牛他他挞配脆薯仔($128)，他他好出色🥩，店员会预先帮忙分菜，一客有两件。牛肉他他整到好似挞咁，拎住食好方便，而且面头啲「木糠碎」脆卜卜，更添层次。牛肉咬落好绵又无筋，混入洋葱、芝麻同小葱等，调味微微酸，几开胃，一啲都唔腥🤤。
马蕯拉炸鸡髀仔
$88
4 浏览
0 赞好
0 留言
蟹肉奄列($98)，食西班牙菜点少得蛋饼Tortilla🍳。奄列所跟配嘅馅非芝士或风干火腿等咸味嘢，而系配蟹肉同蟹柳🦀，更显鲜味同蛋香，可品尝原汁原味。
西班牙脆猪肉配酸辣椒($98)，呢个有啲似德国咸猪手同港式烧腩仔嘅混合版🐷。猪腩肉炸至脆卜卜，啲油都经已迫晒出嚟，所以唔觉油腻。酸辣椒又酸又辣🌶️，食完好醒神。
西班牙火腿，西兰花，罗勒，车厘茄螺丝意粉($138)，菜式名说明一切食材🤣。餐厅嘅Pasta款式比较少，而呢一款更有啲似沙律，因为冻食嚟。螺丝粉染上绿色💚，好重罗勒香，我估计仲有啲牛油果酱，成个组合感觉几新颖。
总括嚟讲，餐厅各方面都唔错，食物味道不俗，价钱亦算合理。同时，外藉店员服务态度好好，非常友善😊👍；而环境亦比一般酒吧舒服同干净得多。如果去尖沙咀嘅楼上酒吧，我会推介呢度！
张贴
