影片
更多
2020-07-27
3113 浏览
多得我哋嘅天才正苦，继续免检疫放人入嚟，似乎出街食碗安乐茶饭嘅日子，继续遥遥无期。☹️唔出门，只好继续回顾之前食过咩好西啰～今日分享嘅系台北过江龙「宽巷子」！熟台湾嘅朋友，应该都听过呢间火锅店～主打将艺术与饮食融为一体，所有菜肴都极之精致，靓到人唔舍得食！💕因为故友重聚，今次叫嘢食都几乎无睇价钱，然后就荷包重创～😂席上其中一位台湾友人仲笑话，呢间店确系台北麻辣锅嘅巅峰，不过唔系指最高级，而系指价钱🙈言归正传，古厝板门、灯笼、花卉油墙，我真系好钟意宽巷子古色古香嘅感觉。店子仲有一排位置对正维港（可惜𠮶日我哋Book唔到），系度打边炉真系劲奢侈！😍打开menu，先拣汤底，今次我就拣咗「红泥小染」及「贡布猪肚汤」～红泥小染系四川辛辣锅，入面几多鸭血，麻辣得嚟几惹味；贡布猪肚汤则胡椒味、药材味较重，几滋补。每个鸳鸯汤底中间仲有个麻辣酱，嫌汤底唔够辣，可以再点呢个汁～辣怪应该好开心～（我就不了😂）另外，佢哋仲可拣猪骨汤、2款鸡汤同茶树菇汤（素），合共6款选择。宽巷子最出名系制成花形嘅肉花盛合，呢款盛合都系用来自日本、澳洲嘅和牛，肉质松软，肉味浓郁又甘甜，滚两滚食得，入口即化，味道方面真系无得输
唔出门，只好继续回顾之前食过咩好西啰～今日分享嘅系台北过江龙「宽巷子」！
熟台湾嘅朋友，应该都听过呢间火锅店～主打将艺术与饮食融为一体，所有菜肴都极之精致，靓到人唔舍得食！💕因为故友重聚，今次叫嘢食都几乎无睇价钱，然后就荷包重创～😂席上其中一位台湾友人仲笑话，呢间店确系台北麻辣锅嘅巅峰，不过唔系指最高级，而系指价钱🙈
言归正传，古厝板门、灯笼、花卉油墙，我真系好钟意宽巷子古色古香嘅感觉。店子仲有一排位置对正维港（可惜𠮶日我哋Book唔到），系度打边炉真系劲奢侈！😍
鸳鸯汤底
$338
48 浏览
0 赞好
0 留言
另外，佢哋仲可拣猪骨汤、2款鸡汤同茶树菇汤（素），合共6款选择。
上等和牛盛合
$1080
50 浏览
0 赞好
0 留言
其中，我至爱系个牛舌花，虽油花不多，但好软嫩多汁，边沿仲有少少脆脆口感，食完好治愈。
不过，我总系觉得用和牛嚟打边炉有啲浪费😂味道系正，但个价钱，值唔值就大家自行斟酌。
综合肉类盛合
$338
54 浏览
0 赞好
0 留言
玫瑰松板＋黑豚肉片＋羊肉片，呢个盛合相对嚟讲抵食啲～松板猪有著霜降般嘅油花，油脂丰富，而且肉腥味淡薄，食上口，鲜嫩爽口，非常好味！黑豚肉好似冲绳嘅阿古猪味，入咀即是满满嘅胺基酸味，爽而鲜甜，不错。由于我唔食羊，所以无试羊片。
海鲜尤物
$780
62 浏览
0 赞好
0 留言
呢盘尤物如名字一样，配料相当丰富，有季节海虾、美国桶蚝、鲍鱼及海鱼片。海鲜全部都好新鲜！比较印象深嘅系桶蚝，好多肉，鲜嫩多汁，又不会好似出面食到咁多揸，不过鲍鱼就麻麻地，有啲韧。
将十几款蔬菜砌到好似盆景咁，相当得宽子会咁做，真系靓到唔舍得食！至于味道，无因为卖相而特别有光环，新鲜菜蔬～正常发挥。
白菜猪肉饺
$88
13 浏览
0 赞好
0 留言
炸响铃
$68
27 浏览
0 赞好
0 留言
乌梅汁
$88
16 浏览
0 赞好
0 留言
整体嚟讲，我觉得味道唔错，不过偏贵～同埋最好约多几个朋友嚟食较好，佢每份食物都有4-6件，多人可试多几款嘢～
P.S. 疫情严重，都想大家尽量留家～想试Bookmark咗先，情况缓和再慢慢去食啦！❤️
张贴
