雲香園小鍋米線

营业中

休息中

今日铺米线瘾又嚟啦，经过尖沙咀见到呢间米线舖好吸引就入去试吓，点知好有惊喜！🍴 手打牛丸、鱼肉春卷、猪颈肉重庆酸辣米线 ($73) + 鸡丝、冬菇、萝卜清汤小锅米线 ($59) ⭐️⭐️⭐️⭐️我叫咗个重庆酸辣汤底，酸酸辣辣好开胃，夹埋弹牙嘅米线真系好易就清晒一碗！𩠌就拣咗几款多人推介嘅，牛丸、鱼肉春卷都好好食。但讲到最推荐都系猪颈肉，好香口而且外边炸到脆脆地，真系食到唔够喉！朋友就嗌咗个清汤，睇返招牌写住所有汤底都系慢火熬煮六个钟，难怪都赞个汤底够鲜！佢都觉得全部𩠌比得好足料，尤其赞个萝卜好鲜甜。🍴 生炸泰式鸡翼 ($36) + 生菜 ($16) + 冻柠茶 (+$8) + 冻奶茶 (+$8) ⭐️⭐️⭐️⭐️外皮炸到好脆，入面肉汁仲保持到，必食之选！生菜正常水准，食完辣野食d菜系正确嘅选择。值得一提嘅系杯奶茶，因为系老板娘亲身去学冲奶茶，而且系用几种茶叶冲制，系正宗茶餐厅嘅奶茶，所以系必叫！.............................. 云香园小锅米线地址📍:尖沙咀漆咸围1-3号多福大厦地下B号舖总评分: 8.4/10 ..............................