光榮冰室 (厚福街) (已結業)

尖沙咀厚福街真系好多唔同既野食，呢间餐厅次次经过都会同隔离果个讲 :「我好耐冇食煲仔饭啦!」，今次终于可以同友人入去试下!餐厅灯光光猛，装修带点怀旧风，而且跟以前旧式的冰室一样，门口位置会摆放大雪柜，见到入面的饮品!我们大概晚上8点到达，餐厅座无虚席，这间餐厅有快餐、常餐、早餐等，跟茶餐厅差不多，唯一不同就是有煲仔饭食。骤眼看上去，基本上每枱都在吃煲仔饭。既然好耐冇食煲仔饭，当然要会一会佢!由于煲仔饭即叫即整，所以都需要等耐少少的时间先有!姜葱鲜鲩鱼煲仔饭加腊肠($72+$15)，冇谂过煲仔饭的鲩鱼会咁鲜甜嫩滑，感觉跟食紧蒸鲩鱼冇分别，加埋煲仔饭用的甜豉油更加惹味!腊肠唔会太硬，而D饭都有几多饭焦!豉汁排骨煲仔饭($68)，有好多排骨，排骨唔肥，岩哂我呢D怕肥既人食，饭亦很多，配埋煲仔饭豉油一齐食味道刚刚好!冻柠茶(跟饭+$15)，柠茶跟出面茶餐厅的一样，有茶的苦涩味，糖水又唔会遮盖左茶味!总括黎讲，餐厅食物质素都唔错，而且见到其他客人叫炒蛋食，炒蛋好厚，好似好美味，有机会要再黎试下!