Paul's Kitchen

营业中

休息中

朋友食过一次返寻味，叫埋我一齐去食，谂谂吓咁大个人都冇食过非洲菜，于是就应约。虽然喺重庆大厦嚟讲，价位都比较进取，但系绝对值呢个价钱。‣ 非洲辣王鸡煲 $350用咗非洲嘅特有香料，呢只味真系得呢间餐厅先食得到。好可惜自己唔系好食得辣，今次嗌咗小辣，朋友话再辣啲会更加香同埋好食。鸡肉质地相当鲜嫩，鸡件都唔少，鸡煲嘅香味真系好有层次感，味道绝对唔单调。‣ 店主太太特色炆牛尾 $170我自己超级推荐炆牛尾，味道一流，而且我估计都系用非洲嘅香料，所以同出边炆牛尾嘅味道绝对唔一样。而且肉嘅份量都好多，牛尾炆到相当之软淋，而且佢都系比较辣，但系辣得嚟几过瘾，大家一定要嗌。‣ 蒜香薄饼 $50店员推荐我嗌薄饼，于是就嗌嚟试吓，食落都几重蒜香味，搭配牛尾同埋鸡煲嘅酱汁真系一流，本身唔想食淀粉，但系都忍唔住嗌咗个薄饼。