影片
港铁尖沙咀/尖東站 D1 出口, 港铁尖沙咀/尖東站 L1 出口, 港铁尖沙咀/尖東站 N5 出口
继续阅读
电话号码
39562178
开饭介绍
餐厅于2015年创立，由来自加纳的夫妇主理，供应一系列非洲Fusion主题的私房菜，例如招牌非洲辣王鸡煲，便用上家传食谱炒制的辣酱。
继续阅读
附加资料
非洲Fusion私房料理
营业时间
今日营业
12:00 - 22:00
星期一至日
12:00 - 22:00
以上资料只供参考，请与餐厅确认详情
-
网上订座服务暂停
講起非洲菜大家難免會有啲刻板印象（食空氣嗰啲地獄meme 出曬嚟），但今次去 Paul's Kitchen 試過之後只能夠講一句：十分精彩，顛覆想像🤯首先個環境係靚嘅，雖然喺重慶大廈入面但係明顯呢間成個氛圍都係特別唔同，連啲碗碗碟碟都係勁多花款好有心思。（生日道具我哋自備）加納羊腩金錢肚堅果濃湯 - 濃稠嘅湯底入口係好香濃嘅堅果味，羊腩唔騒🐑 金錢肚慢煮有咬口，好食（不過會好飽）烤焗美國豬肋骨 肉嫩而醬汁偏甜，加埋個plating 唔講你根本唔知自己係食緊非洲菜老闆家鄉烤魚 - 魚肉香脆滑之外，最緊要係個由番茄、洋葱、辣椒🌶️打成嘅醬汁，開胃得嚟唔會襟過魚肉嘅原味，用嚟點薯條更加係一絕！炸新鮮魷魚仔，炸衣夠薄，炸得啱啱好，外金黃內香酥柔軟~雜錦海鮮墨魚汁意大利麵 連個擺盤都咁靚，墨魚汁意大利麵鹹鮮而滿滿嘅海洋氣息，海鮮 （有帶子，青口同虎蝦）都爽口彈牙。味道暗藏少少辣，比平時一般嘅意大利麵多咗啲 twist 更加鮮香非洲辣王雞煲 用咗黃油雞加埋加納辣椒醬同埋花椒，胡椒嘅香氣好突出，我哋要咗小辣所以唔會好辣，食得辣嘅可以挑戰佢哋嘅非洲辣🔥嘢飲方面我哋挑戰咗佢哋自家製嘅非洲樹根酒 (Ghana Akpeteshie)，成40+ 度嘅酒精飲落喉嚨係即刻熱埋，好彩舖頭啲姐姐教我哋加冰同埋用咗洛神花、薑同香料製成嘅非洲涼茶嚟 mix ~ mix 完又幾好飲 😂 就算你全部餸都係要加辣版本，佢係可以做到每一樣都有唔同嘅調味，而且同一般食開嘅中式辣味都大分別，未食之前你都唔會估到係咩味道，所以好有驚喜~後記：話説我哋幾個女仔約埋喺重慶門口等，大家都知重慶一入去已經有好多人不停叫你食咖哩食咖哩食咖哩，但當我哋行上一樓，啲哥哥仔已經估到問我哋係咪去 Paul's 仲指路比我哋👍重慶真係好神奇嘅大同
继续阅读
今日慶祝朋友生日揀咗個特別嘅，重慶大廈！以為呢度只有咖喱，朋友推介咗呢間餐廳。首先要衝過門口嘅人群嚟到呢間餐廳，門口感覺風格都OK。 首先望落去幾乾淨幾優雅。 價格唔算太平， 不過味道唔錯。首先點咗杯朱古力飲品，我見到好多枱都有叫，味道係好香濃，唔會太甜唔錯跟住叫咗個墨魚意粉味道都幾鮮甜意粉幾爽口。魚配薯條 ，魚其實冇乜特別，不過佢個醬汁調得好好，所以變咗幾好味，薯條炸到脆卜卜，十分之香口。牛尾骨煲，牛尾骨煲有少少似韓式嗰個牛肋骨煲，甜甜地幾香濃好味，而且個牛尾骨炆到腍晒，配個飯應該就一流。最後係個甜品，pineapple creame brulee 本身我唔係太食甜品，都覺得呢個好唔錯好香滑，又唔算太甜，仲有少少菠蘿嘅清新。所以估唔到喺重慶大廈呢一間餐廳都有啲驚喜
继续阅读
第一次知道有Paul’s Kitchen 係由一個網上節目介紹。已經bookmark左好耐，直到係社交平台見到老闆嘅消息之後，先第一次去嘗試。重慶大廈有d複雜，但跟住老闆娘社交平台條介紹片，好容易就可以搵到。lunch time都好多人，記得要book位。第一次食非洲菜，嗌左個烤雞配非洲香料炒飯，烤雞唔會過老，配埋佢d醬汁好好食。而個炒飯就有少少辣，不過我可以接受嘅範圍。同事嗌左個魚柳，酸酸甜甜，魚柳又好滑，真係好唔錯仲嗌左一個豬腩配非洲炒飯，燒豬腩有d似我地嘅燒肉，但佢嘅皮就唔似燒肉咁脆，有d韌。味道係ok嘅。lunch嘅話仲包沙律/湯同飲品，有同事話佢個朱古力十分好飲，下次要試下。
继续阅读
聽過一個youtuber介紹哩間餐廳，今日終於有機會黎食。我係星期三大概4點預約7點4人枱，今日都有位俾我約到。我叫左一個牛尾牛腱煲（oxtail pot），招牌辣非洲雞煲（spicy chicken pot），再加左個非洲飯（african rice）同個白飯。牛尾牛腱煲 （10/10）我第一啖食落去，簡直震撼我味蕾🤯🤯🤯。哩個牛尾係我食過最好味嘅牛尾，沒有誇張。牛尾嘅汁係用左非洲嘅香料製成，非常濃厚嘅醬汁，味道偏甜同有好多層次嘅香料味慢慢滲透出黎。牛尾同牛腱煮得夠腍係當然。我同埋好surprise就係牛尾煲竟然只係收$180，佢收雙倍價錢我都一樣照買。招牌辣非洲雞煲 （9.5/10）呢個基本上係啲雞切咗塊之後呢佢就連骨嘅雞啦就連埋啲汁一齊煮嘅個汁呢係有少少蕃茄底，但係亦都係加咗好多非洲嘅香料去整成嘅咁個比起嗰個牛腱煲嘅醬呢非洲呢個雞煲呢個醬就比較冇咁濃嘅，但係呢你就所以係可以一大斤醬連埋啲雞咁樣食落去個味就啱啱好㗎啦。
继续阅读
美食推介😋老婆睇完電視話呢間非洲菜好食，睇電視見到老闆過左身，其實都真係幾sad，希望老闆娘繼續支持落去，因為食過真係好食。🔵店主太太特色炆牛尾：個牛尾肉味好濃，個汁拍得住果時西班牙食既味。再配埋個蒜香飯真係一絕。🔵非洲烈酒蕃茄青口配蒜蓉包：個非洲汁好特色好好食，好食過喺比利時食既青口，蒜蓉包鬆軟入味。仲有其他款式未試，睇落好多都好好食，值得去食下可以search Paul’s Kitchen 搵下
继续阅读
您可能会有兴趣的...