東京天井食堂

营业中

休息中

今日晏昼系尖沙咀附近做嘢，放lunch𠮶阵同事介绍左我嚟柯士甸路附近食lunch! 餐厅位置较隐蔽，要留心啲揾到。今日lunch time嚟到啲set多好抵食，支持！餐厅装修好有日本风格，墙画好靓。牛肉寿喜烧 $68午市套餐送配珍珠米饭同味噌汤，而且免加一，好抵食！寿喜烧卖相好好，面头有只生蛋黄。依款寿喜烧味道偏咸，唔同出面嘅偏甜啲，我觉得咁样反而冇咁腻。牛肉分量好多，吸满寿喜烧汁，味道香浓。珍珠米粒粒爆满，黏黏地～天井汉堡扒 $98汉堡扒即叫即煎，香喷喷。汉堡扒好juicy，肉味香浓，仲充满油香。酱汁咸咸地，作点调味，唔会cover 汉堡扒嘅味道。伴碟仲有粟米同西兰花。加配是日甜品 +$5今日供应芒果大福，大福外皮烟韧，雪糕creamy~可口可乐 +$8是日果味冰红茶 +$8今日供应桃味🍑冰红茶，好fresh，好清爽。