影片
更多
2021-07-28
510 浏览
成日去尖沙咀都唔知有咩好食，行过见到呢间Cafe都几文青，冇乜人，位置都好偏僻，今次就试一试佢啦！Dinner set for two $358 (再收加一服务费)🍴 餐包配黑醋油餐包有淡淡意式香草味，都几松软，加埋个黑醋，酸酸地都几开胃，但系表面层油太厚，点极都净系点到层油😂🍴松露汤松露超级香浓，奶油味唔出，汤非常浓稠，有多种菇制成，饮得出真材实料，好好饮！🍴鸭肝多士伴意大利黑醋多士好脆，鸭肝煎到金黄色，味道都好香浓，加埋个黑醋酸酸哋，中和左鸭肝嘅油腻。🍴松叶蟹膏蟹肉手制阔蛋面意粉食得出真系手制㗎🤩面系偏硬身，蛋香味好浓，口感烟韧弹牙，阔面特别有口感，都算系食过最好食嘅手制意粉！蟹膏味真系好香浓，好出，好似食紧新鲜蟹膏咁，意粉入边仲有丝丝蟹肉，成个感觉好match好好食！🍴阿根廷红虾手制幼蛋面伴鲜制龙虾酱意粉一样系咁好食，但比起阔面，幼面就比较轻盈少少，口感light啲，蛋香味好浓好弹牙，个阿根廷红虾真系好有惊喜，虾味好香，肉质未到弹牙但都结实，虾头嘅虾膏好香浓，个龙虾酱就比较淡，但整体感觉食落都好fresh，唔会好腻。☕️Hot Cappuccino 咖啡味超香，咖啡味道偏酸但苦，好
Dinner set for two $358 (再收加一服务费)
🍴 餐包配黑醋油
餐包有淡淡意式香草味，都几松软，加埋个黑醋，酸酸地都几开胃，但系表面层油太厚，点极都净系点到层油😂
🍴松露汤
松露超级香浓，奶油味唔出，汤非常浓稠，有多种菇制成，饮得出真材实料，好好饮！
🍴鸭肝多士伴意大利黑醋
多士好脆，鸭肝煎到金黄色，味道都好香浓，加埋个黑醋酸酸哋，中和左鸭肝嘅油腻。
🍴松叶蟹膏蟹肉手制阔蛋面
意粉食得出真系手制㗎🤩面系偏硬身，蛋香味好浓，口感烟韧弹牙，阔面特别有口感，都算系食过最好食嘅手制意粉！蟹膏味真系好香浓，好出，好似食紧新鲜蟹膏咁，意粉入边仲有丝丝蟹肉，成个感觉好match好好食！
🍴阿根廷红虾手制幼蛋面伴鲜制龙虾酱
意粉一样系咁好食，但比起阔面，幼面就比较轻盈少少，口感light啲，蛋香味好浓好弹牙，个阿根廷红虾真系好有惊喜，虾味好香，肉质未到弹牙但都结实，虾头嘅虾膏好香浓，个龙虾酱就比较淡，但整体感觉食落都好fresh，唔会好腻。
☕️Hot Cappuccino
咖啡味超香，咖啡味道偏酸但苦，好特别，奶泡都打得细滑，冇落糖都好好饮！
☕️Iced Mocha
咖啡味都香，但有少少黑朱古力嘅味道，但系朱古力味就唔系好浓，唔会太甜，比较容易入口。
推荐指数: 9/10
成个set嘅嘢食都好好食，超高质素，可以食到每一样野都非常之用心去做，真心好推介呢间Cafe，$400唔使食到咁多嘢，而且每一样野都好食，仲要系尖沙咀地段，真系超级值得！
张贴
