嵐橋日本料理

营业中

休息中

尖沙咀一向都多食肆，地舖同楼上舖餐厅多不胜数，但今次呢边真系好少食。无意之中见到一篇介绍黄店的post一于来支持试下。位于尖沙咀K11过少少嘅街，系一间楼上铺，位置唔算太多，但依然坐得舒服，座位唔会摆到好密。佢嘅lunch set都会包1分沙律，一旧麻酱豆腐，一碗面豉汤，一碗茶碗蒸，同埋雪糕。沙律菜OK，酸酸地几开胃。豆腐就淋上麻酱，清淡得来又带点味道，几fresh。面豉汤同茶碗蒸都系合格嘅，上菜时仲非常热辣辣。北海道丼：油甘鱼，三文鱼，帆立贝，松叶蟹肉蟹膏，海胆同蟹子好多鱼生片铺满晒喺个饭上，全部都系厚切 好新鲜同埋牡丹虾极大只 好鲜甜。特别系海胆，就算唔点豉油，都食得出好鲜味。亲子柳川锅配白饭：基本上就系一个高级少少嘅亲子丼，不过佢加咗牛蒡，味道上多咗分层次，少少甘苦味加埋味林的甜 很刚好，啲鸡肉就好嫩滑，唔会煮得太老。雪糕仲有3只味选择:芝麻，豆腐，绿茶我地择左豆腐，绿茶雪糕都好大球 唔系太甜 唔系牛奶公司货 唔错整体而言，人均消费$150左右，以呢个食物质素来讲，我觉得系值回票价。