影片
更多
2022-06-23
141 浏览
继续放假食好西系列，今次嚟到尖沙咀呢间低调鮨店食Omakase，主厨Michael更系前日本首相御厨嘅徒弟，听落好似几犀利咁☺️• 丰限定 $1988- 前菜茶碗蒸面头清澈嘅汤汁系用咗鲍鱼慢煮超过三个钟头嘅高汤，因此味道特别清甜，而蛋嘅部分都做得好嫩滑，但个人觉得反而有啲太滑唔太实在🤣- 极上の刺身九点北海道马冀海胆配知内蚝：蚝肉新鲜creamy，裙边爽甜，配上酸汁系稳阵嘅配搭，海胆味道有少少被酸汁盖过，其实唔落海胆亦可以😗八爪鱼刺身、慢煮鲍鱼：好少食到八爪鱼刺身，多数食嘅都已经被烫熟。加上少少柚子皮同岩盐调味，口感较有咬口。慢煮鲍鱼则较易咬，鲜味亦好突出，唔错😚角螺、帆立贝、海鞘：海鞘又名海菠萝，搭配紫苏遮盖其轻微嘅甘苦，帆立贝大粒厚肉，角螺则系我当日刺身中嘅最爱，爽脆清甜，非常好食😳剑鱼、大拖罗：两款鱼类都系厚切，啱啱食完刺身部分已经觉得饱饱哋🤰🏻- 极上の寿司八贯九州真鲷 九州间八金目鲷：采用独特嘅切法，一片鱼料当中已包含背同腩位，轻炙引发鱼油香味左口鱼及左口鱼裙边大拖罗：准确嚟讲其实系介乎于中至大拖罗之间嘅位置，肉质细致亦唔会过份油鲭鱼卷海胆：咬落紫菜超脆，但当日海胆唔算甜，稍为
• 丰限定 $1988
- 前菜
茶碗蒸面头清澈嘅汤汁系用咗鲍鱼慢煮超过三个钟头嘅高汤，因此味道特别清甜，而蛋嘅部分都做得好嫩滑，但个人觉得反而有啲太滑唔太实在🤣
- 极上の刺身九点
北海道马冀海胆配知内蚝：蚝肉新鲜creamy，裙边爽甜，配上酸汁系稳阵嘅配搭，海胆味道有少少被酸汁盖过，其实唔落海胆亦可以😗
八爪鱼刺身、慢煮鲍鱼：好少食到八爪鱼刺身，多数食嘅都已经被烫熟。加上少少柚子皮同岩盐调味，口感较有咬口。慢煮鲍鱼则较易咬，鲜味亦好突出，唔错😚
角螺、帆立贝、海鞘：海鞘又名海菠萝，搭配紫苏遮盖其轻微嘅甘苦，帆立贝大粒厚肉，角螺则系我当日刺身中嘅最爱，爽脆清甜，非常好食😳
剑鱼、大拖罗：两款鱼类都系厚切，啱啱食完刺身部分已经觉得饱饱哋🤰🏻
- 极上の寿司八贯
九州真鲷
九州间八
金目鲷：采用独特嘅切法，一片鱼料当中已包含背同腩位，轻炙引发鱼油香味
左口鱼及左口鱼裙边
大拖罗：准确嚟讲其实系介乎于中至大拖罗之间嘅位置，肉质细致亦唔会过份油
鲭鱼卷
海胆：咬落紫菜超脆，但当日海胆唔算甜，稍为失色😗
- 烧物
至于成餐最正一定系呢碟宫崎A5和牛莫属！烧完之后仲好嫩口，一咬油花四溅，每咬一啖都唔舍得吞落肚😚
- 吸物
先食嫩滑嘅大蚬，再饮个汤，汤汁充满蚬嘅咸鲜同海水味，清清哋几舒服😌
- デザート
甜品都好丰富，包括有开心果雪糕、静冈蜜瓜同黑糖卷蛋☺️
张贴
