串酒里 (已結業)

呢间位于尖沙咀山林道嘅串酒里，听过好多人介绍，呢次终于有机会嚟试吓。川式脆烧鸡软骨 ：鸡软骨烧得够香脆可口，口感爽脆，加埋川式嘅调味，令鸡软骨更加惹味。秘制酱汁香烧猪颈肉：猪颈肉烧得劲香口，加咗呢度秘制嘅酱汁，香气四溢。未食都流哂口水，咬落肉汁丰富，令人一食上瘾。盐烧厚切牛舌 ：牛舌用咗厚切，再配以原汁原味嘅盐烧，可以更能突出牛舌所带嘅牛味，而口感因为用咗厚切，好有咬口，好juicy。黑松露沙律酱薯条：薯条即叫即炸，热辣辣脆卜卜，加埋香味十足嘅黑松露沙律酱，令薯条味道层次立马提升数十倍。芥末鸡翼：鸡翼烧得外脆内嫩，肉汁满满，搽咗芥末一齐烧，令鸡翼变得更加惹味可口。