利寶閣 (已結業)

朋友话想食下点心放题，咁就揾左呢间黎试下，坐享维港景色，环境亦非常亮丽优雅，感觉舒适。午市放题先送原只鲍鱼酥，鲍鱼都几大只，都算弹牙入味，偏冻既，个酥就暖既几酥脆。再送花胶灌汤饺，花胶无腥味有口感，个灌汤饺都几大旧，入面充满汤汁，鲜虾爽口。晶莹鲜虾饺同鲜虾水晶饺都系必嗌既，晶莹剔透，皮薄涵靓，新鲜爽口，好食到都唔记得相机食先。百花烧卖皇都系值得嗌，新鲜热辣辣，几有咬口，如果钟意食鹌鹑蛋都可以试下鹌鹑蛋烧卖。肠粉既皮还可以，偏薄，最好食系原只鲜虾肠，啲虾好爽口。仲有唔少得既系炸点，烧汁木鱼酿茄子、香煎韮菜鱼饼同春卷都好值得推介，新鲜热辣辣，茄子整得好入味，鱼饼同韮菜都几夹，比预期好食，春卷皮薄又脆，值得一试。仲有酱皇蒸凤爪，个酱汁都几浓郁，如果凤爪可以整淋啲就更好。