影片
更多
2024-05-01
72 浏览
位於尖沙咀海運大廈的韓式café Terrace in seaside, 見星期六日都好多人, 仲要等位呀! 今日同老公行完街, 見時間仲早, 就去排隊等下位。餐廳採用簡約白色, 大地灰兩種顏色作主調, 加埋木系設計, 配以花卉植物佈置作裝飾, 營造自然大地風格, 感覺好舒服。BBQ辣炒豬肋排 - $125豬肋肉半肥瘦, 用秘製嘅醬汁調味, 加埋洋蔥, 紅蘿蔔絲, 椰菜等, 少少辣, 非常惹味, 食嘅時候用生菜同芝麻葉夾一齊食, 生菜仲可以減低油膩感, 生菜爽脆, 口感豐富。無骨炸雞(半份) - $108半份嘅份量都唔少, 我地叫了甜辣炸雞, 炸雞炸得好香脆, 內裡保持肉汁又嫩滑, 夠juicy, 甜辣味適中, 配埋薯條及沙律菜。泡菜牛肉炒飯 - $85主食就揀咗泡菜牛肉炒飯; 泡菜炒飯都大大盤, 而炒飯係壓平, 飯面鋪上牛肉, 仲有紫菜; 泡菜融入炒飯中, 令炒飯充滿泡菜嘅香味之餘亦增加口感。店員仲細心提提你撈勻食會更理想; 牛肉汁撈埋泡菜味幾夾, 撈完飯變得濕潤, 整體唔錯!山薊菜大蜆意粉 - $92韓式洋食就揀咗山薊菜大蜆意粉, 醬汁非常Creamy, 掛哂汁, 除咗有厚肉大蜆仲
BBQ辣炒豬肋排 - $125
豬肋肉半肥瘦, 用秘製嘅醬汁調味, 加埋洋蔥, 紅蘿蔔絲, 椰菜等, 少少辣, 非常惹味, 食嘅時候用生菜同芝麻葉夾一齊食, 生菜仲可以減低油膩感, 生菜爽脆, 口感豐富。
無骨炸雞(半份) - $108
半份嘅份量都唔少, 我地叫了甜辣炸雞, 炸雞炸得好香脆, 內裡保持肉汁又嫩滑, 夠juicy, 甜辣味適中, 配埋薯條及沙律菜。
泡菜牛肉炒飯 - $85
主食就揀咗泡菜牛肉炒飯; 泡菜炒飯都大大盤, 而炒飯係壓平, 飯面鋪上牛肉, 仲有紫菜; 泡菜融入炒飯中, 令炒飯充滿泡菜嘅香味之餘亦增加口感。店員仲細心提提你撈勻食會更理想; 牛肉汁撈埋泡菜味幾夾, 撈完飯變得濕潤, 整體唔錯!
山薊菜大蜆意粉 - $92
韓式洋食就揀咗山薊菜大蜆意粉, 醬汁非常Creamy, 掛哂汁, 除咗有厚肉大蜆仲有大蝦爽口, 野菌等配料, 份量豐富十足。特別地以山薊菜為材料, 真係夠哂健康特別。
柑橘布甸 - $48
甜品要咗個柑橘布甸, 布甸全部都係柑嘅味道, 布甸入面都內含柑, 好清新香甜, 伴碟加了鮮忌廉, 仲有2塊柑仔及二條蜜餞柑橘皮, 蜜餞柑橘皮清甜得嚟有少少橘皮的苦澀味, 但我超鐘意呀!
西柚戀曲氣泡梳打 - $52
外面又濕又熱, 咁嘅天氣揀咗西柚戀曲氣泡梳打嘆返下, 酸酸甜甜嘅西柚加上梳打,夠晒解渴, 夠哂fresh!
咸咸地奶油維也納咖啡 - $56
另叫咗杯凍咖啡, 將鹹味融入咖啡都幾特別, 面層奶泡加上可可粉及微微嘅鹽粒, 飲落真係甜甜咸咸, 有一種鹹味爆谷嘅感覺, 亦帶有咖啡嘅香濃苦澀味道, 都幾夾。
张贴
