影片
更多
2024-05-01
67 浏览
位于尖沙咀海运大厦的韩式café Terrace in seaside, 见星期六日都好多人, 仲要等位呀! 今日同老公行完街, 见时间仲早, 就去排队等下位。餐厅采用简约白色, 大地灰两种颜色作主调, 加埋木系设计, 配以花卉植物布置作装饰, 营造自然大地风格, 感觉好舒服。BBQ辣炒猪肋排 - $125猪肋肉半肥瘦, 用秘制嘅酱汁调味, 加埋洋葱, 红萝卜丝, 椰菜等, 少少辣, 非常惹味, 食嘅时候用生菜同芝麻叶夹一齐食, 生菜仲可以减低油腻感, 生菜爽脆, 口感丰富。无骨炸鸡(半份) - $108半份嘅份量都唔少, 我地叫了甜辣炸鸡, 炸鸡炸得好香脆, 内里保持肉汁又嫩滑, 够juicy, 甜辣味适中, 配埋薯条及沙律菜。泡菜牛肉炒饭 - $85主食就拣咗泡菜牛肉炒饭; 泡菜炒饭都大大盘, 而炒饭系压平, 饭面铺上牛肉, 仲有紫菜; 泡菜融入炒饭中, 令炒饭充满泡菜嘅香味之余亦增加口感。店员仲细心提提你捞匀食会更理想; 牛肉汁捞埋泡菜味几夹, 捞完饭变得湿润, 整体唔错!山蓟菜大蚬意粉 - $92韩式洋食就拣咗山蓟菜大蚬意粉, 酱汁非常Creamy, 挂哂汁, 除咗有厚肉大蚬仲
BBQ辣炒猪肋排 - $125
猪肋肉半肥瘦, 用秘制嘅酱汁调味, 加埋洋葱, 红萝卜丝, 椰菜等, 少少辣, 非常惹味, 食嘅时候用生菜同芝麻叶夹一齐食, 生菜仲可以减低油腻感, 生菜爽脆, 口感丰富。
无骨炸鸡(半份) - $108
半份嘅份量都唔少, 我地叫了甜辣炸鸡, 炸鸡炸得好香脆, 内里保持肉汁又嫩滑, 够juicy, 甜辣味适中, 配埋薯条及沙律菜。
泡菜牛肉炒饭 - $85
主食就拣咗泡菜牛肉炒饭; 泡菜炒饭都大大盘, 而炒饭系压平, 饭面铺上牛肉, 仲有紫菜; 泡菜融入炒饭中, 令炒饭充满泡菜嘅香味之余亦增加口感。店员仲细心提提你捞匀食会更理想; 牛肉汁捞埋泡菜味几夹, 捞完饭变得湿润, 整体唔错!
山蓟菜大蚬意粉 - $92
韩式洋食就拣咗山蓟菜大蚬意粉, 酱汁非常Creamy, 挂哂汁, 除咗有厚肉大蚬仲有大虾爽口, 野菌等配料, 份量丰富十足。特别地以山蓟菜为材料, 真系够哂健康特别。
柑橘布甸 - $48
甜品要咗个柑橘布甸, 布甸全部都系柑嘅味道, 布甸入面都内含柑, 好清新香甜, 伴碟加了鲜忌廉, 仲有2块柑仔及二条蜜饯柑橘皮, 蜜饯柑橘皮清甜得嚟有少少橘皮的苦涩味, 但我超钟意呀!
西柚恋曲气泡梳打 - $52
外面又湿又热, 咁嘅天气拣咗西柚恋曲气泡梳打叹返下, 酸酸甜甜嘅西柚加上梳打,够晒解渴, 够哂fresh!
咸咸地奶油维也纳咖啡 - $56
另叫咗杯冻咖啡, 将咸味融入咖啡都几特别, 面层奶泡加上可可粉及微微嘅盐粒, 饮落真系甜甜咸咸, 有一种咸味爆谷嘅感觉, 亦带有咖啡嘅香浓苦涩味道, 都几夹。
张贴
