高麗軒韓國料理 (已結業)

好耐冇食过韩国烧肉，揾咗呢间喺尖沙咀嘅高丽轩，晚市$278任食，我仲另外加咗$68，追加食埋靓肉同埋海鲜～餐厅都几大，传统韩国烧烤餐厅格局，店员都积极主动有礼貌。饮品有汽水、茶同埋果汁，可以自取。冇自取区，QR code落单叫嘢食好方便。烧嘅有牛肉、猪肉、鸡、羊肉、海鲜等等。另外仲有韩式前菜、热食、炸物、汤，都系可以任点任食。个人推介Prime雪花牛肉，雪花分布平均，肉质美味！带子大大只，上面仲有蒜蓉添，蒙古羊肉味道都好特别。海虎虾虽然唔大只但系都新鲜弹牙～前菜我叫咗泡菜、萝卜、菠菜同埋芽菜，都有几款选择。熟食就叫咗泡菜汤，入面有泡菜同埋豆腐，辣辣地特别开胃。