德美壽司

营业中

休息中

呢一间寿司店出咗名下昼嘅时候系特别平，朋友今日就带咗我去呢一间位于喺厚福街嘅日式小店，我就叫咗佢嘅下午寿司郎set, 包左寿司乌冬同埋小食！最后埋单都唔使$100，有少少惊喜，因为佢寿司嘅质素真系嘅好🙈🙈 虽然个乌冬都冇乜特别不过如果大食嘅朋友呢一个份量真系一定够🙈带子寿司大大粒非常鲜甜，而且冇谂过呢一个下午套餐都会出呢一个质素嘅带子，另外吞拿鱼蓉亦都出奇地出色，净系食几件寿司都觉得抵食，寿司亦都系师傅即叫即做，钟意食寿司嘅我哋梗系唔可以错过！朋友都觉得蒸蛋几好食，我就觉得中等水平🙈🙈