彌敦左岸

营业中

休息中

朋友啱啱考完试想食餐好嘅，就拣咗嚟依度食西餐，顺便饮杯嘢。喺星期一晚嚟讲都算几多人，餐厅有两层，楼底够晒高，weekend仲有live band演出添。美式芝士烟肉焗薯皮: 我哋点咗个大份嘅，总共有五件薯皮，无论系薯皮，以至上面嘅烟肉都非常香脆，最紧要系够晒芝士👍🏻。烤西班牙黑毛猪扒: 黑毛猪扒表层煎得够香脆，平时食猪扒最怕整到好似柴皮咁，呢个猪扒就整得松化，正合我心意。黑松露宽扁面: 一上枱已经闻到松露味，食落唔会太咸，唔错。我嗌咗杯Sauvignon Blanc，朋友𠮶杯系Chardonnay。整体嚟讲，呢度气氛一流，成晚都有唔少人系庆祝生日，食物水准几好，同埋另一样要赞既系服务员都几有礼貌😊。