影片
更多
2024-11-14
356 浏览
Mue Mue 系一间中高尚路线嘅泰国菜，位于尖沙咀地段美丽华入面，去之前大概已经知道质素有保证。今次一试果然冇令我失望，直情试过翻寻味！首先环境非常阔落，而且枱凳地下好干净，唔似一般嘅泰国菜会好多油烟或者地下油淋淋咁。喺装修咁金碧辉煌嘅环境用餐都零舍好味。先嚟一客红砖豆腐，外皮用红菜头炸浆炸得通红香脆，同入面有白又滑嘅豆腐形成强烈对比多重口感享受，系一道相当开胃嘅头盘。接下来嘅海鲜冬阴功汤非常入味，而且有多款海鲜有蚬有虾又新鲜大大只，汤底非常入味辣辣地又有海鲜嘅鲜甜，海鲜亦都吸收咗冬阴功汤嘅精华，配合得天衣无缝😋猪串烧都值得一试，火候恰到好处，内里锁住肉汁，外脆内嫩肉质仍然又滑又juicy~菠萝炒饭都非常地道，表面平平无奇嘅炒饭其实内里金雕玉砌，饭粒好有咬口，配合肉松腰果等非常配衬，可以话系毫无破绽～整体而言，餐厅嘅食物都非常高质，甜品都整得好有心机，饮品mocktail 点左西瓜特饮等都好高水准，推介大家下次想食高档泰国嘢不妨试吓！Mue Mue 📍尖沙咀弥敦道132号美丽华广场1期3楼302号舖
首先环境非常阔落，而且枱凳地下好干净，唔似一般嘅泰国菜会好多油烟或者地下油淋淋咁。喺装修咁金碧辉煌嘅环境用餐都零舍好味。
先嚟一客红砖豆腐，外皮用红菜头炸浆炸得通红香脆，同入面有白又滑嘅豆腐形成强烈对比多重口感享受，系一道相当开胃嘅头盘。
接下来嘅海鲜冬阴功汤非常入味，而且有多款海鲜有蚬有虾又新鲜大大只，汤底非常入味辣辣地又有海鲜嘅鲜甜，海鲜亦都吸收咗冬阴功汤嘅精华，配合得天衣无缝😋
猪串烧都值得一试，火候恰到好处，内里锁住肉汁，外脆内嫩肉质仍然又滑又juicy~
菠萝炒饭都非常地道，表面平平无奇嘅炒饭其实内里金雕玉砌，饭粒好有咬口，配合肉松腰果等非常配衬，可以话系毫无破绽～
整体而言，餐厅嘅食物都非常高质，甜品都整得好有心机，饮品mocktail 点左西瓜特饮等都好高水准，推介大家下次想食高档泰国嘢不妨试吓！
Mue Mue
📍尖沙咀弥敦道132号美丽华广场1期3楼302号舖
张贴
