影片
更多
2023-06-14
2073 浏览
又口痕想去居酒屋，去咗朋友介绍喺尖沙嘴诺士佛台嘅 《五勺》，应该系因为星期日夜晚所以唔算好多人，餐厅气氛都几好，同埋见到好多清酒。首先系前菜三款 ($78)，我地拣嘅三款分别系 昆布吞拿鱼，山葵八爪鱼同埋萤光鱿鱼冲渍。我觉得最好食嘅系山葵八爪鱼，咸度辣度都啱啱好，萤光鱿鱼都冇腥味。不过昆布吞拿鱼系怪怪地，因为佢嘅吞拿鱼好似系肉干咁，如果系生吞拿鱼嘅话会好好多。然后系炸鸡皮饺子 ($58)，超好食，真系做到外脆内软，馅料都系好 juicy，成件事好满足，我地之后仲再叫多咗一份 😂明太子玉子烧 ($48)，呢个算正路嘅，冇咩太大惊喜。牛舌海盐烧 ($72)，呢个都几好食，烧得好香，好啱送酒。然后系杂锦天妇罗 ($128)，当日好想食天妇罗，好彩冇失望，全部天妇罗都炸得好好，虾好大只好新鲜，香菇同鱼尾好好食。然后系店员推介果日特有，来自宫城县嘅独眼龙生蚝 ($204)，生蚝好大只好甜，一啲蚝腥味都冇。刺身我地果日决定食池鱼 ($198)，唔算多油香但系鱼味好够亦冇渣，点酸汁好易入口。店员话我地可以拣加钱炸鱼骨或者煲汤，不过我地都食饱就冇加。串烧方面我地叫咗 青椒仔 ($28)，免治鸡肉棒 (
应该系因为星期日夜晚所以唔算好多人，餐厅气氛都几好，同埋见到好多清酒。
首先系前菜三款 ($78)，我地拣嘅三款分别系 昆布吞拿鱼，山葵八爪鱼同埋萤光鱿鱼冲渍。我觉得最好食嘅系山葵八爪鱼，咸度辣度都啱啱好，萤光鱿鱼都冇腥味。不过昆布吞拿鱼系怪怪地，因为佢嘅吞拿鱼好似系肉干咁，如果系生吞拿鱼嘅话会好好多。
前菜三款
$78
16 浏览
0 赞好
0 留言
然后系炸鸡皮饺子 ($58)，超好食，真系做到外脆内软，馅料都系好 juicy，成件事好满足，我地之后仲再叫多咗一份 😂
炸鸡皮饺子
$58
28 浏览
0 赞好
0 留言
明太子玉子烧 ($48)，呢个算正路嘅，冇咩太大惊喜。
明太子玉子烧
$48
32 浏览
0 赞好
0 留言
牛舌海盐烧 ($72)，呢个都几好食，烧得好香，好啱送酒。
牛舌海盐烧
$72
29 浏览
1 赞好
0 留言
然后系杂锦天妇罗 ($128)，当日好想食天妇罗，好彩冇失望，全部天妇罗都炸得好好，虾好大只好新鲜，香菇同鱼尾好好食。
杂锦天妇罗
$128
28 浏览
0 赞好
0 留言
然后系店员推介果日特有，来自宫城县嘅独眼龙生蚝 ($204)，生蚝好大只好甜，一啲蚝腥味都冇。
宫城县-独眼龙生蚝
$204
81 浏览
0 赞好
0 留言
刺身我地果日决定食池鱼 ($198)，唔算多油香但系鱼味好够亦冇渣，点酸汁好易入口。店员话我地可以拣加钱炸鱼骨或者煲汤，不过我地都食饱就冇加。
原条池鱼
$198
45 浏览
0 赞好
0 留言
串烧方面我地叫咗 青椒仔 ($28)，免治鸡肉棒 ($38)，黑豚腩盐烧 ($38)，梅酱盐烧鲭鱼 ($38) 同埋汁烧鳗鱼串 ($48)，五款串烧都好食，其中我觉得黑豚腩同鳗鱼串系最高质嘅，腩肉好香唔肥腻，鳗鱼好有肉地好弹牙。
青椒仔
$28
28 浏览
1 赞好
0 留言
免治鸡肉棒
$38
36 浏览
0 赞好
0 留言
黑豚腩盐烧
$38
25 浏览
0 赞好
0 留言
盐烧鲭鱼 (梅酱)
$38
26 浏览
0 赞好
0 留言
汁烧鳗鱼串
$48
22 浏览
0 赞好
0 留言
好好食嘅樱花虾炒野菜 ($68)，炒得好入味，唔会太生唔会太淋。
樱花虾炒野菜
$68
33 浏览
0 赞好
0 留言
最后想食返啲淀粉质完结呢个晚上，所以叫咗中华冷面 ($78)，味道正常，个人觉得可以再加多啲调味会再特别啲。
中华冷面
$78
32 浏览
0 赞好
0 留言
另外我地三个叫咗一份清酒 - 戏画兔 特别纯米 180 ML（$140)，清酒系店员介绍，佢地有问到我地钟意饮咩类型咩口感嘅清酒，睇得出佢地对唔同种类嘅清酒都好熟悉，介绍俾我地嘅都好啱饮。
我地仲有叫一份烧鸡心 ($32)，正正常常不过冇咩特别所以冇影相。
总括嚟讲呢间绝对系高质抵食，一定会再嚟。
张贴
