影片
更多
2023-04-28
1500 浏览
早几天放假去了尖沙咀行街睇戏，夜晚就去咗食烧肉。这间烧肉店以木系装潢设计，环境干净企理，座位与座位之间都有足够距离，坐得都几舒服。食烧肉最怕油烟味太大，但呢度抽风做得好好，头发和衣服都唔会臭，女朋友表示可以唔使洗头😂✨烤和牛肩他他 凯撒沙津 先嚟个沙律前菜，用料非常丰富，有紫洋葱、车厘茄、烟肉、香脆面包粒、仲有芝士粉同沙律酱等。凯撒沙津清新爽口，和牛肩嘅肉味香浓美味。✨季节刺身盛合（五款）有五款刺身，分别系牡丹虾、立鱼、池鱼、炉鱼、吞拿鱼赤身，刺身食落新鲜，由白肉开始食起，最后食红肉嘅吞拿鱼赤身，吞拿鱼厚切啖啖肉，鱼味劲浓郁好美味呀😋✨香辣鸡翼 单骨鸡翼炸得都几香口几脆，鸡肉嫩滑辣辣地几惹味，再沾少少蛋黄酱更美味。✨特选和牛盛合 ▪️入腹肉 - 肉味浓郁、油脂丰富。▪️和牛牛肋条 - 富油脂口感嫩滑，牛味比入腹肉更香浓。▪️辣椒肉 - 第一次食辣椒肉，属于稀有部位之一，因形状似辣椒因而命名，肉质比较实，肉汁多牛味浓郁。▪️和牛西冷 - 油花比例均匀，入口即溶，牛味又香又浓郁。▪️和牛三筋 - 这个部位比较稀有，和牛油花好靓，入口即溶，食落满口都充满油脂嘅香味，肉味又浓厚，五款和牛最正呢个。✨阿波
这间烧肉店以木系装潢设计，环境干净企理，座位与座位之间都有足够距离，坐得都几舒服。食烧肉最怕油烟味太大，但呢度抽风做得好好，头发和衣服都唔会臭，女朋友表示可以唔使洗头😂
✨烤和牛肩他他 凯撒沙津
先嚟个沙律前菜，用料非常丰富，有紫洋葱、车厘茄、烟肉、香脆面包粒、仲有芝士粉同沙律酱等。凯撒沙津清新爽口，和牛肩嘅肉味香浓美味。
烤和牛肩他他 凯撒沙津
11 浏览
0 赞好
0 留言
✨季节刺身盛合（五款）
有五款刺身，分别系牡丹虾、立鱼、池鱼、炉鱼、吞拿鱼赤身，刺身食落新鲜，由白肉开始食起，最后食红肉嘅吞拿鱼赤身，吞拿鱼厚切啖啖肉，鱼味劲浓郁好美味呀😋
季节刺身盛合（五款）
29 浏览
0 赞好
0 留言
✨香辣鸡翼
单骨鸡翼炸得都几香口几脆，鸡肉嫩滑辣辣地几惹味，再沾少少蛋黄酱更美味。
香辣鸡翼
11 浏览
0 赞好
0 留言
✨特选和牛盛合
▪️入腹肉 - 肉味浓郁、油脂丰富。
▪️和牛牛肋条 - 富油脂口感嫩滑，牛味比入腹肉更香浓。
▪️辣椒肉 - 第一次食辣椒肉，属于稀有部位之一，因形状似辣椒因而命名，肉质比较实，肉汁多牛味浓郁。
▪️和牛西冷 - 油花比例均匀，入口即溶，牛味又香又浓郁。
▪️和牛三筋 - 这个部位比较稀有，和牛油花好靓，入口即溶，食落满口都充满油脂嘅香味，肉味又浓厚，五款和牛最正呢个。
特选和牛盛合
24 浏览
0 赞好
0 留言
✨阿波尾鸡颈
第一次食鸡颈，嫩滑爽脆，鸡肉味道都几香，唔错。
✨鹿儿岛县产鸡心
鹿儿岛县嘅鸡心鸡味香浓，食落比较爽口。
✨烧带子
带子大大只，店员会提供较剪，烧到一半嘅时候方便剪开反转烧，冇咁容易overcook影响口感。带子味道劲鲜甜，口感软嫩，裙边食落爽口，好味呀。
✨烧野菜(三款）
洋葱 - 我钟意食洋葱，食落清甜香脆。
啡菇 - 菇味香浓。
栗米芯 - 食落清甜脆口。
✨和牛煲仔饭
和牛粒好软腍有牛味，煲仔饭个酱汁甜甜地几好味仲有粒粒嘅饭焦焦香味，再加埋葱花同蛋嘅香味，两者融合食落非常惹味。
和牛煲仔饭
10 浏览
0 赞好
0 留言
和牛煲仔饭
12 浏览
0 赞好
0 留言
✨季节雪糕
开心果 - 第一次食开心果味，味道真系似食紧开心果咁，甜甜地几好味。
柚子 - 味道酸酸地，有柚子嘅香味同果肉。
食完雪糕可以中和返个味蕾，还可以解解腻，呢餐食得好满足。
季节雪糕
12 浏览
0 赞好
0 留言
总结：三郎烧肉无论餐厅环境、服务、食物质素唔错，和牛都好美味，值得再访。
张贴
